OPPA韓國燒肉店 (Closed)

大埔墟直街係大埔區數一數二嘅食街，諗唔到食乜，行到附近就會有諗法！冬天唔係火鍋就係想暖下身，圍爐相暖食烤肉就最開心！餐廳係連鎖式經營，冇記錯之前朋友介紹嘅九龍區分店質素唔錯，難得大幫就腳，梗係近近地試一試！牛肉拼盤有黑毛和角三角腩、加拿大肉排、牛下腹腩等，整體肉味道濃而肉質彈牙！牛每片厚度適中，油花分布約6:4， 燒烤後先係淡淡嘅油脂香複蓋住香滑嘅韓牛味，肉質偏淋唔多筋。海鮮方面選擇都好多，有虎蝦、鮑魚、多春魚等，全部都新鮮，虎蝦仲大大隻！大醬湯任飲下朋友力推下第一次嚐試大醬湯。感覺上會類似日本嘅味僧湯，韓式嘅大醬會偏香辣且濃味為主。味道少少香辣中又帶有鮮甜味道。水冷麵 失望，麵身有啲怪，唔夠彈牙，味道亦偏淡，唔夠酸。