一品刀削麵 (Closed)

呢間小店都真係幾細，都幾多人食。坐位都幾迫，拿拿林食完走人啦。店員感覺唔係太友善，講野係大聲少少，但又有講多謝架喎。話明叫刀削麵店，真係全部都係刀削麵，但都可以轉米線既，選擇都算唔少架啦。叫左個豬軟骨刀削麵，$40。又幾好食喎，湯底味濃，不過食完有d口渴。豬軟骨夠淋，夠入味。至於個主角刀削麵，本人覺得淋左d, 差左多口感，夠晒老人家食😂份量我覺得就少左d， 食完唔係好夠飽。溫馨提示：記得個麵黎左要快d食，唔係就真係淋晒唔好食啦。