Ricco (Closed)

上完堂，朋友就帶咗我嚟間新餐廳食嘢。門口已經見到呢到裝修幾靚，有好多好得意嘅擺設，環境好舒服。我仲特登走入去有貓仔擺設（應該係貓，除非係馬）嘅位到坐😂😂鐵板肥牛公仔麵一上檯就聞到好香嘅豉油味。佢裡面有好多配料，例如京蔥、紅蘿蔔同椰菜，用京蔥仲可以令到炒麵充滿佢嘅甜香。而呢個炒麵味道恰到好處，唔會好鹹，食落仲同茶記果種鑊氣一樣。熱辣辣，香噴噴，正呀！😍😍朋友就食吉列魚柳他他醬牛角包 配炸薯條，佢話個包好酥脆，聽到佢食都覺得吸引。而個醬汁中和炸魚柳嘅油膩，食完係好滿足。同埋啲薯條唔會淋曬，係有番啲粗幼度，好食過某連鎖餐廳嘅😏脆樂雞真心脆同熱辣辣，絕對係非常好食😙