叁拾咖啡室 (Closed)

同事喺公司annual dinner玩遊戲贏左成千蚊，照例又比人屈番幾百出黎萬歲下午茶了。攞張外賣紙睇睇先，嘩，下午茶都佔好大篇幅喎，選擇多到花多眼亂，有選擇困難症嘅同事，足足用左45分鐘先揀到食咩我就揀左金磚配巨人雞脾，金磚就即係西多士，而西多士最重要就係花生醬同糖漿，而家外面好多餐廳轉左煉奶，無咁好味了，好彩呢度都仲係做傳統西多士，味道正得多。而主角巨人雞脾的確夠巨，開頭以為只係炸粉夠厚，咬開雞皮發覺誤會左佢，啖啖肉而且唔會話炸到好乾身，食完隻雞脾直到好似食完碗飯咁，巨人雞脾確係無改錯名，果晚番到去都食唔落呀P.S 其實個下午茶仲有跟杯紅豆冰（另加$8）但食完雞脾飽到唔想郁，竟然唔記得影相。呢份$40下午茶仲飽過我個午餐呀。