一哥燒臘

Open Now

Now Closed

男人總係對燒味有種情意結，時不時就會想食下，特別係一支公既時候，食燒味真係快靚正。今日去左觀塘買完野就黎左呢個小商場搵下野食，經過聞到好香既燒味味，就行左入去叫翻碗燒鵝脾瀨粉。燒鵝脾好入味，d肉又唔會好鞋好硬，亦都好多肉，加少少甜酸醬真係一大享受。而碗瀨粉雖然冇咩特別，但都夠哂大碗，湯底又唔會話好味精，仲送左2條菜。而且店鋪細細可以多d同店員講兩句，有時都中意幫襯下d小店，食既除左係用心製作既食物，仲係個份人情味。