金鶴拉麵 (閩街)

Open Now

Now Closed

之前係店內享用過，急肥美嫰滑鰻魚令人念念不忘。不過今日打風，所以提早收工就外賣盒活燒蒲燒鰻飯返屋企慢慢享用。外賣自取仲有優惠，真係好抵食。 活燒蒲燒鰻飯:燒鰻魚真係好大一條，夠晒肥美，亦保留魚肉彈性，啖啖肉咬得夠過癮。珍珠米飯軟硬適中，拌著鰻魚食剛好。店家有貼心分開裝小盒醬油同芥辣八瓜魚，芥辣八瓜魚刺激味蕾，清爽咬口，解膩一流。日本溏心蛋：溏心效果不錯，蛋黃半熟，呈糊狀，醬油、糖醃漬味道剛好抹茶軟凍4件：微苦澀抹茶味，帶有嚼口，清涼微甜淡口，過過口癮，夠晒滿足。