十二味 (赫德道)

Open Now

Now Closed

再次光臨百吃不厭嘅十二味，今次只係同朋友兩個人食，只係叫左人見人愛酸菜魚同口水雞🤤大大盤嘅人見人愛酸菜魚🐟，我地叫左最小嘅辣度，魚片大大塊，份量都十分足夠，每人都可以食到6-7塊嘅魚片。而且仲有大量萵筍同酸菜，美中不足就係只有少量嘅菇，當日只係搵到一片🤣，相對唔可以食辣嘅我，依然十分鍾意食，每次都要好小心撇開啲花椒同辣椒🌶️😂。口水雞方面，鋪滿辣油，雞胸肉偏多，但份量都十分足夠，仲有青瓜鋪底，每次都會食埋啲青瓜。😍雖然食到又麻又辣，但每張枱都有一瓶嘅檸檬水，十分貼心。仲有餐廳環境都唔錯，播放住音樂，見到仲有唱歌設備，定期應該會有人駐唱添。