釜之魂釜飯專門店 (淘大商場) (Closed)

本身好鍾意日式料理，見呢間餐廳好多釜飯，就入去試試。我鍾意素食，帶咗碗五目釜飯，而呢度出名鰻魚，我朋友就叫咗個鰻魚釜飯。先來前菜同湯飲，有好多蔬菜嘅麵豉湯，飲落好健康，好鮮甜。而前菜好特別，除咗有醃過嘅青瓜，入邊加咗啲鰻魚粒。五目釜飯好靚，面頭鋪咗好多唔同種類嘅新鮮蔬菜，有木耳、粟米仔、蘿蔔片、竹筍等😋。鰻魚丼飯，叫咗最抵食嘅尾部，比較焦香，分量亦唔少。見到個特別嘅甜品，黑芝麻蕨餅，侍應同我哋講，最好10分鐘之內要食。黑芝麻味道濃郁，已蕨餅軟林林得來，有少少爽口，質感幾特別。仲有叫咗個苦瓜餃子，入面苦瓜味濃郁，，外面煎得脆口，鍾意食苦瓜嘅朋友，可以試呢個。