芋圓一 (Closed)

作為大角咀區地膽，呢間糖水舖都開左一排，是日終於有機會黎試。因為減肥既關係，我直接糖水當正餐，8點幾去食，間舖頭有一半位都係吉的。呢度既芋圓價錢算親民，36蚊一碗，同朋友分別點左芋香仙草芋圓、同埋傳統仙草芋圓。芋香仙草芋圓比較傑身，當係好似撈煉奶咁，撈埋d料黎食，有淡淡既芋香味，唔太甜。而傳統仙草芋圓就係有糖水，食落涼浸浸，都係唔太甜，食完唔覺滯。兩隻芋圓都好足料，擺得好靚，打卡一流。芋圓好大粒、夠煙韌，又有珍珠、薏米、仙草等配料增加口感，間唔中黎試下都唔錯（P.S.我當晚餐食都夠飽）