海傍美食店

Open Now

Now Closed

搵過資料，發現黎到長洲必食佢既拳頭咁大粒既魚蛋但因為行行下發現間間呢類既店鋪都係賣緊呢種魚蛋，而且價錢仲要一樣，真係唔知邊間先係始創！？咁唯有求其行到邊就食到邊啦！見到呢間海傍美食店又有呢種魚蛋賣，就同人share一人一粒過下口癮啦$10/2粒呢個價錢真係貴，係香港食開ｄ魚蛋都係5蚊有一串起碼5粒老闆娘好好人幫我地吉開一串一粒乍看來，拳頭咁大的確係誇大咗，但都比普通既魚蛋大3-4倍!食落口，肉質好爽口，唔似平時食開既彈牙魚蛋食咗有少少魚既味，ｄ汁容易跌落地，整得可以’杰’身少少但一粒加大版魚蛋，不花一分鐘就食晒啦，雖然唔係唔好食，但實在心有不甘