Video
Read full review
2009-11-08
17 views
尋晚同一班朋友與祝生日，因為主角話想食韓國燒烤同埋想喺觀塘區，於是就去咗觀塘哩間景福宮食。我從來都未試過喺openrice留過言，但因為觀塘景福宮哩間野實在太過份喇，所以今日一定要登記做會員入嚟同大家分享番，希望大家可以知道吓，能夠再作選擇。事件(一)當時我喺出面畢野食啦，首先畢咗一碟炒菜，然後諗住畢啲生ge野食燒啦，但係要攞第個碟嘛，跟住就將畢好咗嗰碟菜擺咗係張生食物枱側邊啦，突然有個待應生好惡咁鬧我：“喂，熟食野唔好攞喺生食枱度呀！”事件(二)我地有帶埋小朋友一齊去，咁待應生話小朋友要出去門口度高，咁我地咪一齊出咗去，當時啱啱小朋友ge高度貼住交界位，係未過佢地所指定個位ge，點知個待應隨即攞張落單紙用45度角向上咁斜放喺個牆嗰度，話：“嗱，過咗喇”，嘩，簡直當我地盲架，痴線架！態度又甚差，我地叫佢叫經理出嚟，佢又當聽唔到，繼續態度甚差地、不停係度堅持話係過左指定高度，我地同佢理論左一段時間，突然醒起小朋友對鞋仔個踭係好厚身架，於是當時即刻除咗佢地鞋仔再度過，好明顯係未過指定高度，距離指定高度有成“半吋”，當時佢地另一位待應出咗嚟度，一睇就熊度冷漠地話：“無問題吖，唔過”事件（三）
我從來都未試過喺openrice留過言，但因為觀塘景福宮哩間野實在太過份喇，所以今日一定要登記做會員入嚟同大家分享番，希望大家可以知道吓，能夠再作選擇。
事件(一)
當時我喺出面畢野食啦，首先畢咗一碟炒菜，然後諗住畢啲生ge野食燒啦，但係要攞第個碟嘛，跟住就將畢好咗嗰碟菜擺咗係張生食物枱側邊啦，突然有個待應生好惡咁鬧我：“喂，熟食野唔好攞喺生食枱度呀！”
事件(二)
我地有帶埋小朋友一齊去，咁待應生話小朋友要出去門口度高，咁我地咪一齊出咗去，當時啱啱小朋友ge高度貼住交界位，係未過佢地所指定個位ge，點知個待應隨即攞張落單紙用45度角向上咁斜放喺個牆嗰度，話：“嗱，過咗喇”，嘩，簡直當我地盲架，痴線架！態度又甚差，我地叫佢叫經理出嚟，佢又當聽唔到，繼續態度甚差地、不停係度堅持話係過左指定高度，我地同佢理論左一段時間，突然醒起小朋友對鞋仔個踭係好厚身架，於是當時即刻除咗佢地鞋仔再度過，好明顯係未過指定高度，距離指定高度有成“半吋”，當時佢地另一位待應出咗嚟度，一睇就熊度冷漠地話：“無問題吖，唔過”
事件（三）
尋晚我地7點半入去，一到九點半準時，待應走埋嚟話要埋咗張單先，咁我地簽咭啦，太概一至二分鐘度，突然一位待應走埋嚟講：“夠鐘喇”即時就熄咗我地個爐。嘩，我地個盤仲有啲野食都未熟，佢就咁熄咗喎，真係好過份呀，比人坐多5分鐘都得掛。
坦白講佢地ge野食，所有食物都係同一隻味道架，真係一般囉，叫做可以接受，但唔會令你好想再返轉頭食囉，而且佢地服務態度咁差，作出種種趕客ge行為，我同我啲friend真係唔會再幫襯囉，仲會叫啲朋友唔好幫襯，因為食完極唔開心。
我地當時都好急趕呀，因為比人趕，所以錢又未甲，相又未影，唉，真係慘！大家要落到樓圍住先至可以甲番啲錢，oh….
Post