Video
Read full review
2019-09-12
1698 views
熟小小豬嘅朋友都知道佢係一位不折不扣嘅大富翁控，屋企有嘅大富翁遊戲加加埋埋都有成10盒。其實....看似盒盒都係一樣，不過小小豬總係話好唔同，每盒嘅玩法都各有樂趣(佢仲叫我話遲幫佢拍片同大家分享哦)。既然佢鐘意我又覺得大富翁遊戲係益智得嚟又好啱一家大細齊齊玩，所以...就由佢變成一名大富翁痴啦...哈哈哈！知道帝京酒店今期嘅自助晚餐係以大富翁為主題，咁就當然要帶依個小粉絲嚟潮聖開心一番啦！ 依家食自助晚餐就可以玩即抽即賞遊戲，小小豬就緊係唔放過機會要抽埋一份啦。抽「公益福利卡」就只需要上載相片及讚好酒店嘅Facebook / Instagram 就可以，小小豬就抽到$100 Coupon(佢係有丁點失望，因為佢不知幾想抽到大富翁匙扣呀)~另外每位客人都可以去抽「機會卡」換其中一款嘅指定美食~ 餐廳內有好多大富翁嘅佈置，小小豬都不知幾開心，四圍走冇停過呀~ 之後就緊係要睇下全晚嘅亮點所在，一系列超靚嘅大富翁甜品啦。依個大富翁先生嘅棋盤寶盒蛋糕我同小小豬都研究左好耐，初時以為只係擺設嚟，但原來係一個松露朱古力軟心嘅香橙味牛油蛋糕嚟，真係超靚呀~ 小小豬就當然係最鐘意
知道帝京酒店今期嘅自助晚餐係以大富翁為主題，咁就當然要帶依個小粉絲嚟潮聖開心一番啦！
依家食自助晚餐就可以玩即抽即賞遊戲，小小豬就緊係唔放過機會要抽埋一份啦。抽「公益福利卡」就只需要上載相片及讚好酒店嘅Facebook / Instagram 就可以，小小豬就抽到$100 Coupon(佢係有丁點失望，因為佢不知幾想抽到大富翁匙扣呀)~
另外每位客人都可以去抽「機會卡」換其中一款嘅指定美食~
餐廳內有好多大富翁嘅佈置，小小豬都不知幾開心，四圍走冇停過呀~
之後就緊係要睇下全晚嘅亮點所在，一系列超靚嘅大富翁甜品啦。依個大富翁先生嘅棋盤寶盒蛋糕我同小小豬都研究左好耐，初時以為只係擺設嚟，但原來係一個松露朱古力軟心嘅香橙味牛油蛋糕嚟，真係超靚呀~
小小豬就當然係最鐘意依個由大富翁遊戲板整成嘅蛋糕，佢嘅像真度真係超似呀~
仲有以500 遊戲紙幣嘅熱情果芒果芝士慕絲蛋糕~
唔好以為棋子造型嘅甜品係唔食得，每粒棋子嘅朱古力脆脆入面係有雜莓慕絲，最令我鐘意嘅係連朱古力都唔太甜，所以我一個人都食左兩粒棋子落肚添~
「GO」字造型嘅日式芝士蛋糕~
依個藍莓芝士蛋糕係小小豬推介之選，佢話係超級好味哦~
係咁多甜品中俾我最大驚喜就一定係以屋契造型嘅夏威夷果仁花生醬慕絲蛋糕，佢嘅味道都好特別，估唔到花生醬做甜品又幾得哦~
菠蘿紙杯蛋糕~
大富翁先生奶黃包~
大富翁先生鬍鬚嘅竹炭芝麻曲奇~
另外仲有兩款鬼馬蛋糕好吸引，依個以生蠔造型嘅牛奶布甸真係好似~
仲有朱古力慕絲嘅燒鵝脾~
係依個晚餐時間內，小小豬可以話大部分時間都係企係依個位企定定，因為餐廳展示左好幾盒限量(絕版)嘅大富翁遊戲。依隻豬仔就好似發現新大陸咁，不停研究有咩唔同，當佢發現到時就會返嚟發表佢嘅偉論，嗰一刻我真慶幸場內冇得買，如果唔係我一定大出血啦~
睇左大富翁咁耐，都係時候開大餐了。整體上自助餐嘅種類都好多元化，真係總有一款合心水。冰鎮海鮮嘅種類都算多~
當然唔少得即叫即開嘅生蠔，每人每次可以拎兩隻，排多幾次隊就可以食多幾隻啦~
即燒嘅牛油忌廉火炙龍蝦~
估唔到有潮式鹵水併盤，特別得嚟又幾好食呀~
仲有片皮鴨添~
自助餐美食仲有豉椒蟶子仔同避風塘豉椒花甲，炒得好有鑊氣~
我都抽中左嘅「機會卡」係梅酒冰鎮鮑魚，好入味呀~
食飽飽仲可以去自助飲品吧去斟飲品呀~
唔食雪糕就唔似小小豬作風~
今次仲加埋爆谷添~
今晚咁多大富翁包圍住，完全滿足晒小小豬，返屋企仲要玩返兩盤大富翁遊戲，佢話咁先叫完美嘅一日(真係....有冇咁鐘意呀...哈哈哈)~
Post
