緣聚鮮鍋 (Closed)

今日約咗幾個舊朋友食放題， 諗住地方就腳就揀左荃灣大鴻輝。 原來呢座嘢裏面有好多放題食， 真係估佢唔到。晚市時段全城爆滿，如果冇book位都幾難食到， 所以大家去嘅時候都要預先book位。呢個係打邊爐加壽司放題， 梗係叫咗個豬骨湯底打邊爐先啦! 湯底夠曬籠澳好足料， 肥牛肥瘦均勻， 雖然薄咗少少，但口感又唔錯喎。豚肉切成大大片， 肉質鮮嫩， 打邊爐一流。額外攞咗少少刺身食， 甜蝦好似手咁大， 真係好揼本，所以每次限攞一隻。而三文魚非常厚切， 夠曬冰凍肥美。 螺肉夠曬大粒，非常煙韌，點小許芥辣，鮮味十足。隨意再叫咗卷物和壽司，款式多羅羅， 真係樣樣都想食。蔬菜，丸類， 麵類，菇類， 款式多到令人大開眼界。 食咗咁多間放題， 第一次食既放題，係每個種類都有咁多， 真係超級抵食。七彩顏色嘅甜品， 非常吸引，真係岩晒大人小朋友食。雪櫃嘅嘢飲好多都未見過， 成行都係嘢飲，真係好壯觀， 慢慢睇慢慢揀都要睇好幾分鐘， 真係夠曬霸氣。