Video
Read full review
2020-10-20
58 views
我時不時都會行過去長沙灣元州邨嗰邊食晏，有日中午見到有間燒味舖「燒味滷師」好多人排隊，原來係有$22特價飯盒賣。我又八卦攞張傳單返屋企望下，阿媽見到$48隻雞話超抵，仲話搵晚唔煮餸等我斬料返去🙈。呢晚放工我就即刻變身做乖囡去斬料加餸，我已經專登準時走行過去。大約晚上六點半嘅時候，我未行到去舖位已經見到大排長龍👏；好彩我快一步同冇俾個師奶打尖，如果唔係我都買唔到特價雞。我好耐冇見過咁多人排隊嘅場景，皆因燒味舖新開張，做緊好多特價優惠益街坊👍。當我俾錢買完飛之後無耐，已經陸續聽到雞同鴨都賣晒。雖然人多，但小店運作好有系統，客人輪轉得好快，店員同師傅們都好有禮貌，唔會粗聲粗氣😊。舖面亦光光猛猛，令人放心。我哋今晚食燒味大餐🥢，無煮其他餸，我一次過買咗四種返屋企。未食之前第一樣抵讚嘅地方就係包裝得好好，我拎到返屋企一滴汁都冇跌過出嚟，唔會搞到油笠笠。由於做緊特價，四款燒味夾埋都只係$267😍。玫瑰豉油雞($48/一隻)，買完之後我終於明點解🐓雞會最快賣晒，$48大大隻，唔係畀啲營養不良嘅雞仔你，真係唔知喺邊度搵？！雞有三款，包括客家鹽焗雞、瑤柱貴妃雞、同埋我買嘅玫瑰豉油雞。豉油雞入味，唔駛點醬
我時不時都會行過去長沙灣元州邨嗰邊食晏，有日中午見到有間燒味舖「燒味滷師」好多人排隊，原來係有$22特價飯盒賣。我又八卦攞張傳單返屋企望下，阿媽見到$48隻雞話超抵，仲話搵晚唔煮餸等我斬料返去🙈。
呢晚放工我就即刻變身做乖囡去斬料加餸，我已經專登準時走行過去。大約晚上六點半嘅時候，我未行到去舖位已經見到大排長龍👏；好彩我快一步同冇俾個師奶打尖，如果唔係我都買唔到特價雞。
我好耐冇見過咁多人排隊嘅場景，皆因燒味舖新開張，做緊好多特價優惠益街坊👍。當我俾錢買完飛之後無耐，已經陸續聽到雞同鴨都賣晒。
雖然人多，但小店運作好有系統，客人輪轉得好快，店員同師傅們都好有禮貌，唔會粗聲粗氣😊。舖面亦光光猛猛，令人放心。
我哋今晚食燒味大餐🥢，無煮其他餸，我一次過買咗四種返屋企。未食之前第一樣抵讚嘅地方就係包裝得好好，我拎到返屋企一滴汁都冇跌過出嚟，唔會搞到油笠笠。
由於做緊特價，四款燒味夾埋都只係$267😍。
玫瑰豉油雞
$48
6 views
0 likes
0 comments
燒味佬叉燒
$45
10 views
0 likes
0 comments
至尊燒鵝
$110
7 views
0 likes
0 comments
老師傅燒腩仔
$64
12 views
0 likes
0 comments
總括嚟講，燒味滷師嘅燒味好好食，用「平、靚、正」嚟形容呢度就最好不過！呀媽已經落定Order隨時指派我放工斬咗料先好返屋企🤣。原隻雞性價比最高，我鍾意叉燒，呀爸呀媽就鍾意燒鵝，各有各喜好❤️。
Post
