Video
Read full review
2022-11-09
294 views
雞白湯拉麵 $98飲一啖就有濃濃嘅雞湯味，唔會鹹，反而仲有種純雞湯嘅感覺，冇其他雜味，好飲😋 雞叉燒好嫩滑，有淡淡嘅煙燻味；豚叉燒就係薄薄嘅豬腩片，好大塊，而且完全唔柴唔膩；溏心蛋正常，做到流心效果；拉麵幼身，麵質彈牙，唔錯👍🏻海老沾麵 $98海老湯底非常濃稠，可以用「汁」嚟形容，好重蝦頭味，味道好衝擊😅 不過有少少鹹。沾麵比拉麵粗，而且係扁身嘅，麵質有咬口，亦都好掛湯。食到最後加咗清湯，個味比較順口，不過因為個湯稀咗，所以啲沾麵就冇咁掛湯。〰️〰️〰️〰️〰拉麵湯底有招牌嘅雞白湯，鹽味，醬油同鰹魚湯；如果沾麵嘅話就淨係得海老湯底。雞白湯拉麵，如果同之前介紹過嘅鳥華亭相比，呢間餐廳會高分少少，因為佢嘅拉麵同叉燒都做得比較好；但如果計埋等位，環境等其他因素，我絕對會揀鳥華亭，因為唔洗排咁耐隊，而且都好食🤣餐廳好細，最多得8個吧枱位，客人全部自動波，一有人走，自己就會行入去，店員都唔會行出嚟帶位，會直接係吧枱到等你，問你落咩order。可能因為得幾個客，店員服務態度都好好，好有禮貌同效率😂今次排隊前面大概有12人，等咗個半鐘，嘢食係好食嘅，但曬住等咁耐真係不了，下次如果等超過30分鐘，我都唔會排😅
雞白湯拉麵
24 views
0 likes
0 comments
飲一啖就有濃濃嘅雞湯味，唔會鹹，反而仲有種純雞湯嘅感覺，冇其他雜味，好飲😋 雞叉燒好嫩滑，有淡淡嘅煙燻味；豚叉燒就係薄薄嘅豬腩片，好大塊，而且完全唔柴唔膩；溏心蛋正常，做到流心效果；拉麵幼身，麵質彈牙，唔錯👍🏻
海老沾麵
27 views
0 likes
0 comments
海老湯底非常濃稠，可以用「汁」嚟形容，好重蝦頭味，味道好衝擊😅 不過有少少鹹。沾麵比拉麵粗，而且係扁身嘅，麵質有咬口，亦都好掛湯。食到最後加咗清湯，個味比較順口，不過因為個湯稀咗，所以啲沾麵就冇咁掛湯。
〰️〰️〰️〰️〰
拉麵湯底有招牌嘅雞白湯，鹽味，醬油同鰹魚湯；如果沾麵嘅話就淨係得海老湯底。雞白湯拉麵，如果同之前介紹過嘅鳥華亭相比，呢間餐廳會高分少少，因為佢嘅拉麵同叉燒都做得比較好；但如果計埋等位，環境等其他因素，我絕對會揀鳥華亭，因為唔洗排咁耐隊，而且都好食🤣
餐廳好細，最多得8個吧枱位，客人全部自動波，一有人走，自己就會行入去，店員都唔會行出嚟帶位，會直接係吧枱到等你，問你落咩order。可能因為得幾個客，店員服務態度都好好，好有禮貌同效率😂
今次排隊前面大概有12人，等咗個半鐘，嘢食係好食嘅，但曬住等咁耐真係不了，下次如果等超過30分鐘，我都唔會排😅
〰️〰️〰️〰️〰️
食物:4.5/5
消費: 3/5
環境: 3.5/5
服務: 4.5/5
Revisit: Maybe
Post
