Video
Read full review
2022-12-27
394 views
做節食好啲推介！呢度除咗一般食到嘅泰國菜外，仲可以預訂主餐牌以外嘅特別菜式，好似私房菜咁我地當日一枱人嗌咗以下菜式，整體都高質值得一試😙！-👍🏻泰式粉絲海蝦煲 $380/4位用粉絲煲一上枱已經聞到超香，用嘅係新鮮花竹蝦，大大隻鮮甜爽彈粉絲炒得乾身香口，軟硬適中唔會煮到太腍啤啤仍然保持彈牙口感，最正係吸晒蝦汁鮮味，呢個好好食🥹！-👍🏻泰式咖喱澳洲龍蝦 $1850/2斤原隻澳龍超巨型，一上枱真係哇出聲，勁有霸氣🤣龍蝦拆咗肉大大嚿，新鮮爽彈，厚肉鮮甜，份量唔少，好足料黃咖喱香濃甜甜地唔辣，咖喱汁夠晒多，可以配蒜蓉包或薄餅，點嚟食真係一流🤪-👍🏻青咖喱崩沙腩 $480/4位用崩沙腩份量比想像中多，全部都大大嚿肥瘦相間連住軟膏脂肪，入口軟嫩，牛味相當濃郁但冇騷味😌青咖喱香料味比黃咖喱突出，微微辣帶少少甜質地濃郁杰身，崩沙腩可以沾滿濃濃青咖喱😈-👍🏻香茅爆炸鮑魚 $60/隻新鮮鮑魚起肉，以香茅、炸蒜、三色椒、洋蔥等爆炒鮑魚表面微脆，內裏肉質鮮嫩爽彈香茅同炸蒜兩者味道平均突出，有少少似椒鹽炒嘅味道，但同時唔會蓋過鮑魚本身嘅鮮味😜-👍🏻夢亞萊燒雞 $480燒雞原隻上枱先比客人打卡影相，之後店員會收走斬
我地當日一枱人嗌咗以下菜式，整體都高質值得一試😙！
-
👍🏻泰式粉絲海蝦煲 $380/4位用
粉絲煲一上枱已經聞到超香，用嘅係新鮮花竹蝦，大大隻鮮甜爽彈
粉絲炒得乾身香口，軟硬適中唔會煮到太腍啤啤
仍然保持彈牙口感，最正係吸晒蝦汁鮮味，呢個好好食🥹！
-👍🏻泰式咖喱澳洲龍蝦 $1850/2斤
原隻澳龍超巨型，一上枱真係哇出聲，勁有霸氣🤣
龍蝦拆咗肉大大嚿，新鮮爽彈，厚肉鮮甜，份量唔少，好足料
黃咖喱香濃甜甜地唔辣，咖喱汁夠晒多，可以配蒜蓉包或薄餅，點嚟食真係一流🤪
-👍🏻青咖喱崩沙腩 $480/4位用
崩沙腩份量比想像中多，全部都大大嚿
肥瘦相間連住軟膏脂肪，入口軟嫩，牛味相當濃郁但冇騷味😌
青咖喱香料味比黃咖喱突出，微微辣帶少少甜
質地濃郁杰身，崩沙腩可以沾滿濃濃青咖喱😈
-👍🏻香茅爆炸鮑魚 $60/隻
新鮮鮑魚起肉，以香茅、炸蒜、三色椒、洋蔥等爆炒
鮑魚表面微脆，內裏肉質鮮嫩爽彈
香茅同炸蒜兩者味道平均突出，有少少似椒鹽炒嘅味道，但同時唔會蓋過鮑魚本身嘅鮮味😜
-👍🏻夢亞萊燒雞 $480
燒雞原隻上枱先比客人打卡影相，之後店員會收走斬件再上枱
大大隻唔係春雞size，皮薄香脆，肉嫩多汁🤤
如果啲肉入味啲有鹹香就仲正
-留意以上菜式都需要係book位時預先預訂，食材係新鮮準備，所以walk-in冇得嗌嘅
價錢唔算超級平，但食物質素同味道絕對對得住個價
而且份量足夠一圍枱用，啱晒做節聖誕同屋企人/一班朋友食大餐，仲有包廂閣樓可以開party🥳
另外餐廳好近洪水橋輕鐵站，落車行過去都係2-3分鐘就到，就算冇揸車交通都算方便👍🏻
-味道：9/10
性價比：7/10
-
📍#夢亞萊泰國餐廳@mumaroi8
元朗洪水橋大街11號地舖
Post
