熨烤達人 (Closed)

之前係旺角見過呢間餐廳，覺得個“熨斗”好搞笑，但因為時間不合而一直無緣試。今日甘岩黎呢個商場睇熊本熊展，見到，就試下！聽講呢度新開，所以場內設施，菜單都好新淨。店內牆上掛滿左漫畫公仔，色彩鮮艷，好有時尚感。門口人頭湧涌，不過排左一陣就入得！前菜有好多款，上面果排係“葉”左既蔬菜，下面果排係芝士、泡菜同粟米，放落爐邊蛋既！已經落落蛋漿啦！！燒肉都需要時間，所以我地先叫左個江南ufo薄餅食住先！個餅皮好薄，入面係大量既芝士同肉末，好厚，辣喇喇，超好味！！燒物方面，我地嗌左以下幾款：雞翼，份量唔多，開左邊，加埋有四全只到。預先“葉”左，所以好入味，唔洗點醬汁。加上剪開左，所以好快熟，入面肉質好嫩滑。肩胛肉厚切，燒起肉都好林，唔肥，啖啖肉。點埋佢個醬好夾，好好食！綠田園估唔到有秋葵！超鍾意食！仲有燒菠蘿，燒完更甜！好大杯，我地兩個人飲一杯都好夠！平時飲既都無水果，佢呢杯入面有幾粒士多啤梨，幾甜！可惜呢度唔近我屋企，如果唔係會成日黎！