焱手工涮涮鍋 (Closed)

突然好想打邊爐，去到旺角上樓嘅《焱手工涮涮鍋》，上到去環境好大，佔用全層，而且落地玻璃可以望到出面鬧市嘅風景，我哋兩人就被安排坐卡位。餐牌有兩款火鍋套餐選擇，分別係「手工粥底海鮮火鍋套餐」同埋「焱選套餐」。因為我哋比較喜歡吃「鴛鴦鍋」，所以我哋就揀咗＄268一位嘅「焱選套餐」。先食咗個兩個前菜，再上「三味鍋」湯底，呢個就係火鍋店嘅招牌湯底，一個鍋入面就有三款湯底，當中最正嘅係中間嘅「火焰清酒煮蜆」，店員利用Gas棒點火，中間嘅湯底隨即着火，非常新奇特別。此外，每一款湯底飲一啖試吓，都非常鮮甜，果然新鮮即做。之後就係「時令海鮮拼盤」，非常新鮮，在餐牌嘅十一款海鮮有其中五款，當中嘅「龍躉片」有兩大塊，而且厚厚的，落去爽口鮮甜，非常新鮮，外層嘅皮充滿着骨膠原，食落去有點口黏黏嘅感覺。另外「蟶子」都好大條大隻，只需要放入鍋灼一兩分鐘就即刻食得，同樣地食落去爽口，完全冇沙，鮮甜無比，必食。精選肉類我哋選擇咗「頂級安格斯牛頸脊」，肉嘅條紋非常平均，望落去每一塊都有雪花，食落去有非常濃郁嘅鮮牛肉味道，正。「手工火鍋拼盤」都有幾款食物，少食多滋味每款有兩件，每一款食物都非常精緻，最欣賞係「三層樓墨魚磚