潮食街 (Closed)

疫情關係，好耐都冇食個buffet啦，趁而家疫情緩和，就搵間抵食嘅試吓啦，潮食街，一直都好想試，好多好評，今次終於可以試吓啦。通常我都係主攻海鮮，呢度有即開法國生蠔，蟹腳，翡翠螺，青口，蜆，蝦，選擇都算多，生蠔好新鮮，大隻，亦好鮮甜，鍾意食生蠔嘅我，食咗三打，都冇唔舒服，可以證明呢度啲生蠔係乾淨嘅。食物選擇好多，冷盤，熱盤，刺身，印度咖喱，薄餅，車仔麵，燒味...想食乜都有，仲有燉湯。食完主菜，梗係到我最鍾意嘅甜品環節啦，必食推介芝士流心撻，即整即食，超好食😋仲有好多唔同嘅選擇，甜品精緻，亦有多款唔同口味，生果亦有多款，飲品是自助形式的，選擇亦很多，有店員協助。不錯的自助餐選擇，食物種類多，質素高，價錢優惠，除咗地點有啲偏僻外，整體都ok，店員服務亦好好，好快就會幫你收碟，座位舒適，可以有梳化位置，而且位置寬闊，唯一缺點，餐廳自助餐位置太大，要攞食物行到好遠。