一鼎‧台式火鍋 (MOSTown新港城中心(4期))

Open Now

Now Closed

呢間火鍋放題真係好多食物種類，火鍋配料、熟食！$369/位就可以食到LIMESTONE全血和牛+日本北海道四元豚吃到飽套餐，性價比超高！首先，湯底選擇多，我哋揀咗QQ骨膠原同甜醬油，一人一鍋，啱晒唔同口味嘅人。肉類方面，主打的LIMESTONE全血和牛，呢個極稀有部位嘅和牛，肉質瘦嫩，帶有淡淡奶香，真係「全血牛嘅皇者」！其他肉類例如澳洲純和牛、一鼎穀飼牛、日本北海道四元豚都非常新鮮，質素唔錯。海鮮方面，選擇同樣豐富！爽彈海蜇花超爽口，王牌帶子大大粒，鮮味十足；鮮味瀨尿蝦好鮮甜；超鮮生蠔（數量有限）大隻飽滿，鮮味無倫！其他例如水上鮮墨魚、粒粒蟹子花枝滑、青花椒長牛舌、千層牛柏葉都非常新鮮美味。小食方面，青麻椒辣魚皮、藤椒虎皮雞爪、古早鹽酥豆腐、古早蒜味小香腸、九層塔花枝丸、金錢肚、古早滷肉飯、滷水牛筋等等，每樣都做得好好味，令人食唔停口！自助區仲有其他食物、雪糕、飲品，甚至啤酒都任飲，真係大滿足！呢間火鍋放題嘅食材新鮮，選擇多元化，性價比極高，服務態度亦都唔錯，絕對係一個值得推薦嘅火鍋放題選擇！下次一定會再嚟！