Video
Read full review
2018-07-06
89 views
唔打唔撞嚟到呢間爐端燒，好彩早到（7點左右），之後坐滿人，差d冇位呀～ 因為冇食晏晝飯嘅緣故特別肚餓 我點咗超多嘢招牌唐揚雞塊，雞肉調味嘅味道超好，甜甜地。 呢個菜其實唔可以用塊嚟形容， 應該係雞件，好大嚿，但唔油膩! 好好食，佢嘅炸漿超薄雞件連皮一齊炸，平時我會去皮食，今次成嚿食曬。 雞皮炸咗之後脆口之餘又一點煙韌感覺，我好鐘意。北海道甲羅燒， 有鵪鶉蛋蟹膏蟹肉。 首先將鵪鶉蛋同蟹膏蟹肉撈勻再用磯燒方法烤三至四分鐘， 烤出嚟好香好滑唔會太熟啱啱好。推介手握壽司x3: 我選左最愛左口魚邊，魚肉超級新鮮，一般不太新鮮嘅肉都係乾身，但係佢呢個白色魚肉油脂度十足，令立立，食落齒頰留香，又鮮又甜。第二至愛海膽軍艦當然唔少得，用新鮮包嘅紫菜住脆卜卜，配埋見到表面粒粒狀嘅新鮮海膽視覺味覺都好滿足。另外都叫左蟹棒蟹籽壽司， 蟹籽多到嘅份量蟹棒都盛唔住，要用匙羹食!雖然已經點左好多小吃，但都忍唔住叫左個海鮮丼飯，冇叫錯。刺身種類好多: 榮螺，元貝 ，蟹棒，鯛魚，吞拿魚，三文魚腩， 八爪魚，已經 完全蓋住碗飯。另外撈埋即磨山葵， 山芋蓉（即准山）同甜蛋絲， 滋味又飽肚，價錢算平值得食。炸八爪魚， 八爪
因為冇食晏晝飯嘅緣故特別肚餓 我點咗超多嘢
招牌唐揚雞塊，雞肉調味嘅味道超好，甜甜地。 呢個菜其實唔可以用塊嚟形容， 應該係雞件，好大嚿，但唔油膩! 好好食，佢嘅炸漿超薄雞件連皮一齊炸，平時我會去皮食，今次成嚿食曬。 雞皮炸咗之後脆口之餘又一點煙韌感覺，我好鐘意。
北海道甲羅燒， 有鵪鶉蛋蟹膏蟹肉。 首先將鵪鶉蛋同蟹膏蟹肉撈勻再用磯燒方法烤三至四分鐘， 烤出嚟好香好滑唔會太熟啱啱好。
推介手握壽司x3: 我選左最愛左口魚邊，魚肉超級新鮮，一般不太新鮮嘅肉都係乾身，但係佢呢個白色魚肉油脂度十足，令立立，食落齒頰留香，又鮮又甜。
第二至愛海膽軍艦當然唔少得，用新鮮包嘅紫菜住脆卜卜，配埋見到表面粒粒狀嘅新鮮海膽視覺味覺都好滿足。
另外都叫左蟹棒蟹籽壽司， 蟹籽多到嘅份量蟹棒都盛唔住，要用匙羹食!
雖然已經點左好多小吃，但都忍唔住叫左個海鮮丼飯，冇叫錯。刺身種類好多: 榮螺，元貝 ，蟹棒，鯛魚，吞拿魚，三文魚腩， 八爪魚，已經 完全蓋住碗飯。另外撈埋即磨山葵， 山芋蓉（即准山）同甜蛋絲， 滋味又飽肚，價錢算平值得食。
炸八爪魚， 八爪魚鮮味十足 仲有鹹香（ 海水味）彈牙有趙口，佐酒一流。
另外重叫左明太子牛油魷魚鬚， 魷魚鬚新鮮彈牙，配埋牛油及明太子嘅咸香，好襯。
同埋是日煎魚鮫，呢個係白肉魚。我個人都係比三文魚鮫，因為肥d滑d濃味d。
飲品方面我選擇左白桃果汁，有果肉及乳酸味，味道偏甜（自己自行加一杯水剛剛好），是真正水蜜桃味道!
Post
