Video
Read full review
2010-05-14
16 views
舅父興致勃勃約食一人火鍋起初仲以為係幾十蚊一個人落樓 點知原來試新野!兩個人分別嗌左A4和牛同海鮮鍋 一個要立魚湯 一個醬油湯 大家share野食上餐速度極快 食左一條配菜支豆已經上餐湯同菜蜆清湯非常鮮味 讚好!望住兩兜塞到滿晒既食材都有D無從入手先講講有D咩和牛餐固然係有牛肉啦 但有肥同無咁肥之分 老闆提醒話可以由無咁肥食起個人覺得肥個隻係好食好多!海鮮就有一隻大蝦 兩隻蜆 同帶子餐原本有蠔 但舅父唔食蠔既關係轉埋做帶子 非常大隻鮮甜! 漉唔駛一分鐘就食得菜就有椰菜 金菇 冬菇 本菇 豆腐 芋絲 等等另外仲有烏冬用料好新鮮 完全無停過口 之後加左雞串 雞皮 牛舌 同一碟美國牛 相比之下美國牛真係同和牛爭好遠!基本上對成餐飯都好滿意 樣樣野都好食係食到最尾個立魚湯少左水咸左d環境唔迫又唔嘈 服務態度良好打聽之下先知原來老闆係前有線主持 最後以芋頭雪糕糯米滋作結飽到我打消左去隔離YOGO食yoghurt既念頭 LOL雖然晚飯唔算平 但考慮到食材質素其實物有所值否則大家可以考食午飯 會相對平少少不過最好訂檯 雖然食既時候未坐滿 但所有檯都reserve左架喇walk in的話未必有得食!
起初仲以為係幾十蚊一個人落樓 點知原來試新野!
兩個人分別嗌左A4和牛同海鮮鍋 一個要立魚湯 一個醬油湯 大家share野食
上餐速度極快 食左一條配菜支豆已經上餐湯同菜
蜆清湯非常鮮味 讚好!
望住兩兜塞到滿晒既食材都有D無從入手
先講講有D咩
和牛餐固然係有牛肉啦 但有肥同無咁肥之分 老闆提醒話可以由無咁肥食起
個人覺得肥個隻係好食好多!
海鮮就有一隻大蝦 兩隻蜆 同帶子
餐原本有蠔 但舅父唔食蠔既關係轉埋做帶子 非常大隻鮮甜! 漉唔駛一分鐘就食得
菜就有椰菜 金菇 冬菇 本菇 豆腐 芋絲 等等
另外仲有烏冬
用料好新鮮 完全無停過口
之後加左雞串 雞皮 牛舌 同一碟美國牛
相比之下美國牛真係同和牛爭好遠!
基本上對成餐飯都好滿意 樣樣野都好食
係食到最尾個立魚湯少左水咸左d
環境唔迫又唔嘈 服務態度良好
打聽之下先知原來老闆係前有線主持
最後以芋頭雪糕糯米滋作結
飽到我打消左去隔離YOGO食yoghurt既念頭 LOL
雖然晚飯唔算平 但考慮到食材質素其實物有所值
否則大家可以考食午飯 會相對平少少
不過最好訂檯 雖然食既時候未坐滿 但所有檯都reserve左架喇
walk in的話未必有得食!
總括而言 非常滿足
值得一試
Post