大滿喜日本料理 (Closed)

終於找到時間同老友飯聚喇。放縱一下，揀咗大滿喜觀塘店食放題。店舖坐擁十樓全層，面積相當大，坐得舒服。好在有訂位，估唔到六點時段都咁爆滿。食物未到前，周圍巡視一下先。嘩！汽水、雪糕、甜品一應俱全，連熱柑桔水都有，真.熱.暖在心。三文魚、劍魚腩、北海道鮮帶子、赤貝、赤蝦、油甘魚、希靈魚、北寄貝、鮑魚片、甜蝦同榮螺，一次過全部點了。上檯時已令人驚嘆 ，所有刺身厚切新鮮又肥美，顏色豐富。單係呢個拼盤已值回票價。燒羊架羊羶味不重，燒得剛剛好，肉質保持juicy,不會過韌，調味亦恰到好處。鮑汁花膠炆鴨掌鴨掌炆得腍軟有彈性且帶有膠質。花膠、冬菇同鴨掌都好有鮑汁味。大推介松葉蟹腳牛乳海鮮鍋大大隻松葉蟹腳，鮮甜肉質厚，再加入元貝、甜粟米同牛乳，味道更香甜突出。萵筍炒帆立貝萵筍炒得嫩綠清翠，爽爽脆脆有口感，有蒜香味，好吃。鹽燒鯖花魚外皮燒到金黃色，內裏肉質充滿油脂，甘甘鹹鹹，加入檸檬汁，中和魚腥味。脆脆鮮奶卷(上)，外脆內香滑，紫芋波波(左)，煙煙靭靭有口感。有機蕃薯(右)，細細粒容易食。 就算有幾飽，甜品一定少不了， 再加埋甜柑，好有滿足感。仲有好多好多款食物未試，味道及服務有水準，值得再回頭，值得推介