Video
Read full review
2023-10-07
109 views
朋友介紹咗呢間食A5和牛嘅放題餐廳，去食咗一次果然唔係浪得虛名！餐廳入面用木系裝修，好整潔，卡位亦都好大，坐得好舒服。重點係佢唔似平時啲火鍋放題店咁嘈雜，可以同朋友靜靜地傾下偈、品嘗美食😚。餐廳入面有好乾淨嘅調料區，有幾個飲品櫃可以拎氣水同各種茶飲，仲有甜品區同雪糕櫃，好周到👍🏻🌕 黑樺牧場和牛火鍋放題頭盤嗌咗鬼馬油炸鬼、麻辣拼盤（個麻辣魚皮好爽滑！）🤤上牛肉前會上咗個冬瓜豆腐燉海鮮湯先，飲落去有好鮮嘅蝦味！今次嗌左花雕日本薩摩雞藥膳鍋做湯底，有好濃嘅藥膳味，感覺好養生😂！仲有大件大件嘅雞肉係入面，仲要煮左好耐都唔老，好抵讚！講到肉類，佢個放題menu有好選擇，今次我重點食和牛，佢嘅A5熊本黑樺和牛千本筋、A5熊本黑樺和牛玉子後腰肉、A5熊本黑樺和牛牛前胸等等都好好食❣️仲有用黑樺牧場精選層架上菜，打卡影相好靚。重點❣️我覺得最好食係A5熊本黑樺和牛特上霜降小排！佢啲油花分佈均勻，淥幾秒就食超嫩🤤仲有醉玫瑰日本佐賀名水豚五花肉都好正，煮完食落口有玫瑰味的😱🌕 我仲加咗$108任食日本直送廣島牡蠣及北海道元貝，啲焗蠔隻隻都脹卜卜，唔洗加任何調味就食到啖啖鮮味👍🏻🌕 最後太多野食食到好飽都拎左
朋友介紹咗呢間食A5和牛嘅放題餐廳，去食咗一次果然唔係浪得虛名！餐廳入面用木系裝修，好整潔，卡位亦都好大，坐得好舒服。重點係佢唔似平時啲火鍋放題店咁嘈雜，可以同朋友靜靜地傾下偈、品嘗美食😚。餐廳入面有好乾淨嘅調料區，有幾個飲品櫃可以拎氣水同各種茶飲，仲有甜品區同雪糕櫃，好周到👍🏻
🌕 黑樺牧場和牛火鍋放題
頭盤嗌咗鬼馬油炸鬼、麻辣拼盤（個麻辣魚皮好爽滑！）🤤上牛肉前會上咗個冬瓜豆腐燉海鮮湯先，飲落去有好鮮嘅蝦味！
今次嗌左花雕日本薩摩雞藥膳鍋做湯底，有好濃嘅藥膳味，感覺好養生😂！仲有大件大件嘅雞肉係入面，仲要煮左好耐都唔老，好抵讚！講到肉類，佢個放題menu有好選擇，今次我重點食和牛，佢嘅A5熊本黑樺和牛千本筋、A5熊本黑樺和牛玉子後腰肉、A5熊本黑樺和牛牛前胸等等都好好食❣️仲有用黑樺牧場精選層架上菜，打卡影相好靚。重點❣️我覺得最好食係A5熊本黑樺和牛特上霜降小排！佢啲油花分佈均勻，淥幾秒就食超嫩🤤仲有醉玫瑰日本佐賀名水豚五花肉都好正，煮完食落口有玫瑰味的😱
🌕 我仲加咗$108任食日本直送廣島牡蠣及北海道元貝，啲焗蠔隻隻都脹卜卜，唔洗加任何調味就食到啖啖鮮味👍🏻
🌕 最後太多野食食到好飽都拎左甜品食，係香港製造嘅豆腐味同綠茶味嘅雪糕，食落唔會好甜，啱晒我口味👍🏻
📍 黑樺牛
尖沙咀堪富利士道6-6A號爵寓1樓
🧧人均消費$600
Post
