Video
Read full review
2015-10-05
2106 views
今日就約左我個閨蜜去旺角大瀛喜食個放題, 見我個閨蜜咁誠意推介, 咁就同佢去試下, 還掂一出旺角地鐵站就係。一入去座無虛席, 已經食9點場, 都仲係人頭湧湧呀, 環境都幾闊落, 就算咁多人都唔覺得好逼。一坐低我梗係唔執輸快快手畫野食啦。Staff數量好夠, 一舉手己經有人過來, 野食都上得好快, 最重要係我食左2個幾鐘一張單都冇漏過! 呢樣真係好抵讚!!食放題第一樣梗係睇魚生ge質素啦, 魚生全部都係坐冰上枱, 仲擺得好靚, 令人食指大動, 2個女仔就真係食唔到幾多野啦, 所以我地都係乜都試下。呢間舖最得意坐冰上魚生之餘仲會俾個心形ge冰你, 真係第一次見咁得意ge裝飾。(就算我叫10件甜蝦都坐冰上, very nice)三文魚同甜蝦都好正, 一D雪味都冇, 同埋唔會有個種岩岩係雪櫃拎出來硬掘掘ge感覺。 三文魚係超厚切, 仲會上三文魚腩俾我, 非常抵食呀!!! 甜蝦非常鮮甜, 上枱個陣已經挑走左個D筋同腸, 唔會再食食下有條黑色ge腸同腥味係到, 大大件咁擺落口真係冇得頂!!接住落來就試下D壽司, 款式唔算特別多, 但係高質素同埋係出面壽司舖賣ge貴野。 有帆立貝, 左口魚邊呢類貴野
一入去座無虛席, 已經食9點場, 都仲係人頭湧湧呀, 環境都幾闊落, 就算咁多人都唔覺得好逼。
一坐低我梗係唔執輸快快手畫野食啦。Staff數量好夠, 一舉手己經有人過來, 野食都上得好快, 最重要係我食左2個幾鐘一張單都冇漏過! 呢樣真係好抵讚!!食放題第一樣梗係睇魚生ge質素啦, 魚生全部都係坐冰上枱, 仲擺得好靚, 令人食指大動, 2個女仔就真係食唔到幾多野啦, 所以我地都係乜都試下。呢間舖最得意坐冰上魚生之餘仲會俾個心形ge冰你, 真係第一次見咁得意ge裝飾。
(就算我叫10件甜蝦都坐冰上, very nice)三文魚同甜蝦都好正, 一D雪味都冇, 同埋唔會有個種岩岩係雪櫃拎出來硬掘掘ge感覺。 三文魚係超厚切, 仲會上三文魚腩俾我, 非常抵食呀!!! 甜蝦非常鮮甜, 上枱個陣已經挑走左個D筋同腸, 唔會再食食下有條黑色ge腸同腥味係到, 大大件咁擺落口真係冇得頂!!
接住落來就試下D壽司, 款式唔算特別多, 但係高質素同埋係出面壽司舖賣ge貴野。 有帆立貝, 左口魚邊呢類貴野, 即刻畫多幾件先! 帆立貝好大件好厚, 都係個句呀, 一D雪味都冇, 又唔會好似岩岩解凍完水汪汪咁上, 之後我都翻叫左好多件!
卷物我就叫左天婦羅蝦卷,芝士鰻魚卷,大瀛喜卷。首先蝦卷粉紅色外表已經令我好心動, 仲要隻蝦咁大隻, 天婦羅粉唔會太多, 食落啖啖肉! 鰻魚燒得岩岩好, 熱辣辣咁上, 鰻魚汁都係熱ge, 所以唔會食到個汁係凍冰冰但係舊魚係熱ge奇怪感覺!
再來就係叫大瀛喜卷, 見個名咁得意就叫來試下, 令人出乎意料! 睇落好似普通雜錦卷, 但係食落去就覺得個配搭好得意, 鰻魚ge甜味唔會同青瓜黃蘿蔔撞到奇奇怪怪, 反而仲帶出鰻魚味道! 整體來講呢到ge卷物都好足料, 唔會好似淨係食飯咁!! 抵食呀!!
食到咁上下就叫下炸物, 試左佢推介ge芝麻雞翼, 感覺普普通通啦, 雞翼偏瘦, 不過唔知佢係咪加左其他醬料去煎, 除左芝麻香味之外仲食到一陣甜甜地ge味道, 都值得一試!
反而個一口芝士真係俾驚喜我, 芝士味超濃呀! 個皮又薄, 入面又勁足料, 更重要係熱得來唔會燙口, 成舊放落口都仲得!!(注意:好飽肚)
天婦羅紫薯一睇就知皮薄餡靚啦, 真係有一陣蕃薯甜味, 唔會好似食緊薯仔咁, 佢仲炸得好冧, 唔會硬掘掘食緊D半熟薯仔咁!!
最後就試下佢D甜品, 我地叫左木糠布甸,芒果糯米糍同奶凍。 木糠布甸不過不失啦, 但我閨蜜一野掃左佢, 我想食多啖都冇呀!! 奶凍就有少少失望, 奶味偏少反而食到好大陣呍呢拿味, 但質感都幾滑唔會太硬! 芒果糯米糍就正啦! 非常足料, size唔大但成舊都係芒果, 冇得頂!! (食左幾件!!)今次對大瀛喜印象非常之好呀! 一定一定會再去食! 要試晒佢8張紙入面ge野食!! 唔漏單呢樣真係Iamteacher非常好, 終於唔使再催單催到成肚氣!! Excellent!
Post
