韓味屋 (Closed)

北角丹拿道人氣韓式小店韓味屋。呢間舖頭我由佢一間開始食,食到佢有斜對面有另一間分店, 食物質素其實唔算話太高但係勝在抵食夾大件。 好耐未嚟過,冇為意今日出面氣溫30度,叫左個牛肋骨湯定食, 最後食到個人興合合出曬汗, 立定決心冬天先至再嚟食。環境方面其實後面好細成間餐廳望埋去應該淨係坐到廿個人左右所以門口成日都會有人排隊等入座尤其是一點打後排隊嘅情況經常發生如果你要唔想排隊就要做佢第一個客就係差唔多十二點鐘要嚟食, 位與位之間亦都好狹窄空間有限, 同埋食完佢會拿拿淋同你執曬啲嘢想講你走咁嘅樣所以如果你要食環境呢度就一定係唔啱你嘅。同一般韓式舖頭一樣,佢有前菜畀你揀,一個人呢可以揀三款小食,用一個碟仔上齊, 食完第一次可以refill第二次可以揀另外三樣小食所以真係好多選擇, 大部分前菜嘅味道都幾好例如薯仔,生菜,魚仔,都係我心水之選。至於今次個牛骨湯,我就真係冇乜心機寫食評,因為大熱天時個湯熱辣辣食到我出曬汗完全蓋過曬我啲味覺, 建議舖頭要改善下佢嘅冷氣。