沛公甜品 (Closed)

今日響銅鑼灣Time Square食完飯，朋友又話要食甜品，於是我地就上Openrice 搵到呢間距離時代廣場只有3分鐘路程既沛公甜品。我一見到個menu真係雙眼發光，好多唔同種類既榴槤甜品，真係睇到眼花瞭亂，最後我都係揀左最鐘意既千層班戟，睇下佢同另一間千層班戟好出名既甜品店有咩分別。<貓山王榴槤千層班戟 $88>雖然沛公有好多唔同口味既千層班戟，但呢個係最吸引到我！呢個班戟比其他貴出差不多一倍，原本都有啲唔捨得食，但食左一啖之後完全改觀。每層班戟中既榴槤忌廉非常軟滑，而分隔忌廉的班戟皮煙軔薄身，吃起來時增添口感。榴槤味道十分突出而香濃，如果你係榴槤粉絲一定唔可以錯過！《楊枝甘露》朋友的楊枝甘露亦非常吸引，份量不少之餘仲有好多芒果果肉，新鮮香甜。