Video
Read full review
2005-11-02
32 views
28-9-2005 2223工作大戰過後當然要食番餐好少少啦，係駱克道及軒尼詩道附近周旋，見有間新開食米線，咁入去幫襯下啦。見到配搭都唔少，但最令我眼前一亮的是有兩個幾貴但幾多料的所謂過橋米線套餐，一個叫大理過穚米線：腐皮、芽菜、菜、酸菜、冬菇、腩肉、菜肉雲吞、豬大腸及蟹籽丸，另一個叫昆明過穚米線：腐皮、芽菜、菜、酸菜、冬菇、雞中翼、豬肚、豆苗餃、香菇貢丸。我就要了前者及中辣。上到檯都幾大碗，首先唔係食配料或米線，而係飲湯，唔係好辣，有些少偏酸，唔係好夠過穩，當然每間的尺度也不同，好似譚仔記既話，包成個禮拜唔係講野兼食野。非肉的配料可以多的會更加好；冬菇多一隻唔會顯得‘度’；菜肉雲吞有兩粒，至少皮薄及幾大粒；豬大腸就有好少好少‘味’啦，不過已經不錯，唔係唔知自己食左乜野落肚；腩肉稍為厚及鞋左些少；蟹籽丸應該係出面賣返黎，皮比較厚，好大粒，裡面份量都唔少。雖則未見突出，但加埋豆漿兼其份量只係40蚊，仍然值得試。
工作大戰過後當然要食番餐好少少啦，係駱克道及軒尼詩道附近周旋，見有間新開食米線，咁入去幫襯下啦。
見到配搭都唔少，但最令我眼前一亮的是有兩個幾貴但幾多料的所謂過橋米線套餐，一個叫大理過穚米線：腐皮、芽菜、菜、酸菜、冬菇、腩肉、菜肉雲吞、豬大腸及蟹籽丸，另一個叫昆明過穚米線：腐皮、芽菜、菜、酸菜、冬菇、雞中翼、豬肚、豆苗餃、香菇貢丸。我就要了前者及中辣。
上到檯都幾大碗，首先唔係食配料或米線，而係飲湯，唔係好辣，有些少偏酸，唔係好夠過穩，當然每間的尺度也不同，好似譚仔記既話，包成個禮拜唔係講野兼食野。非肉的配料可以多的會更加好；冬菇多一隻唔會顯得‘度’；菜肉雲吞有兩粒，至少皮薄及幾大粒；豬大腸就有好少好少‘味’啦，不過已經不錯，唔係唔知自己食左乜野落肚；腩肉稍為厚及鞋左些少；蟹籽丸應該係出面賣返黎，皮比較厚，好大粒，裡面份量都唔少。
雖則未見突出，但加埋豆漿兼其份量只係40蚊，仍然值得試。
Post
