一芳台灣水果茶 ((創紀之城五期(apm)) (Closed)

好耐冇飲過一芳，以前分店少，想飲既時候未必有，依家都開到周圍都係，行過APM可以嘆返杯。飲品店內外一如既往好光猛，佢既裝修設計一向我都好中意，木色設計簡單又不失格調。依家仲同緊多啦A夢crossover，成間店有多啦A夢裝飾。飲品選擇見到大甲芋頭應該係新岀，所以試下。大甲芋頭鮮奶 $35飲管包裝紙同飲品杯再加蓋紙都有多啦A夢，粉絲們一定好開心，因為怕太甜，揀左無糖，配上濃郁鮮奶，芋頭蓉都幾多下好多，攪匀之後啖啖都飲到芋頭，不過芋頭蓉本身應該有用糖煮過，所以揀左無糖都係偏甜，飲多幾啖就膩，有點扣分。