豊之丼 (Closed)

唔知幾時開始，對於好既餐廳存有一種刻板偏見：餐牌不必太多選擇，反之做得夠專就夠煞食。好似「豊之丼」呢類只做魚生飯既食堂，自不然心生呢種先入為主既偏好，於是決定到來一試。打開餐牌，本想試「豊のトロ丼」($238)，但對我呢啲窮忙族黎講實在有點昂貴，於是最後叫左「海老丼」($148)。起初還以為餐牌「圖片只供參考」，原來碗丼份量都算得上「大盛」。單係甜蝦都有成差唔多廿條將下面既飯完全地遮蓋，但想講重點其實係炸蝦頭至真！因為甜蝦本身聞個陣基本上冇乜味，唯獨你俯首𢳂飯食個陣，蝦頭既味就會伴隨甜蝦既鮮甜撲面而來。起初還以為蝦頭只是用黎點綴海老相，原來係廚師一番心思呢！佛家有句話叫「一花一世界」，食完呢餐頓覺「一蝦一世界」其實亦不離遠 (蝦蝦蝦)。餐廳有否用心製作，真係好易食得出。