神戶食堂 空姐牛肉飯 (Closed)

突然好想食牛同壽喜燒，於是網上search吓，發現這間空姐牛肉，雖然唔係食壽喜燒火鍋，不過有牛肉同壽喜燒翼，同埋評價唔錯，又能滿足我想食牛同壽喜燒味的要求於是乎，就叫了雙拼 - 牛肉拼雞翼飯，仲有被受好評的豚肉雞翼飯和芝士雞肉串。老闆空姐果然是空姐，連外賣都照顧周到，牛肉汁和豚肉汁是另外裝的，這樣飯便不會太濕，食客又可根據自己喜好調味。味道方面要注意的是汁落太多會偏鹹。芝士雞肉串凍冰冰有點失望。令人意外的是豚肉比牛肉更好食。總括來說，食物美味，價錢合理，可以一食再食。