Video
Read full review
2024-03-22
265 views
假日同朋友做完gym, 體力耗盡, 就係沙田新城市廣場搵野食。太耐冇食過車仔麵, 就去咗永年呢間茶餐廳。正好6點轉咗dinner menu, 選擇更多。除了招牌主打嘅車仔麵, 仲有懷舊鐵板餐、滑蛋叉燒系列、番茄豬扒蛋飯等…選擇多多。車仔麵有自選組合套餐, 但如果想豐富、大大碗咩都想要d, 主打三款車仔麵組合就最perfect喇! 可自選麵種同埋調味。永年大碗麵:揀咗油麵, 係極為飽肚嘅一款麵, 湯底濃郁, 配菜豐富, 包括有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、時菜。豬腸厚厚的, 帶些少油脂, 口感爽彈; 豬紅彈滑; 雞翼、雞翼尖同樣好林好入味; 魷魚爽口; 不過魚蛋就唔夠彈牙。男神麵:有齊牛內臟嘅車仔麵, 包括有牛柏葉、牛肚、牛丸、牛腩、豬腸、蘿蔔、時菜;所有配料都索咗湯汁, 好入味。 另外我地仲encore咗個小食---豬三寶包括有豬紅、豬腸、豬皮, 份量都唔少。懷舊鐵板餐質素亦唔差, 鐵板熱辣辣、滋滋聲上檯, 可自選汁醬, 揀咗黑椒汁,淋上去, 散發香噴噴,美國安格斯封門柳: size有手掌般大, 揀咗五成熟, 肉嫩多汁, 肉質有彈性, 配上黑椒汁, 好惹味。另
除了招牌主打嘅車仔麵, 仲有懷舊鐵板餐、滑蛋叉燒系列、番茄豬扒蛋飯等…選擇多多。車仔麵有自選組合套餐, 但如果想豐富、大大碗咩都想要d, 主打三款車仔麵組合就最perfect喇! 可自選麵種同埋調味。
永年大碗麵:
揀咗油麵, 係極為飽肚嘅一款麵, 湯底濃郁, 配菜豐富, 包括有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、時菜。豬腸厚厚的, 帶些少油脂, 口感爽彈; 豬紅彈滑; 雞翼、雞翼尖同樣好林好入味; 魷魚爽口; 不過魚蛋就唔夠彈牙。
男神麵:有齊牛內臟嘅車仔麵, 包括有牛柏葉、牛肚、牛丸、牛腩、豬腸、蘿蔔、時菜;
所有配料都索咗湯汁, 好入味。
另外我地仲encore咗個小食---豬三寶包括有豬紅、豬腸、豬皮, 份量都唔少。
懷舊鐵板餐質素亦唔差, 鐵板熱辣辣、滋滋聲上檯, 可自選汁醬, 揀咗黑椒汁,淋上去, 散發香噴噴,
美國安格斯封門柳: size有手掌般大, 揀咗五成熟, 肉嫩多汁, 肉質有彈性, 配上黑椒汁, 好惹味。另配有脆卜卜麵, 食完成個set好飽肚。
套餐跟餐湯, 自選升級了--酥皮湯羅宋湯酥皮鬆脆, 唔會太厚, 羅宋湯味道偏淡, 甜酸開胃, 不過濃返d會更好。
飲品方面就揀咗港式懷舊嘅紅豆冰, 另一杯係抹茶紅豆冰,紅豆綿密, 甜度剛好, 抹茶配練奶絕對係perfect match! 好飲!
Post
