新森林焗之專門店

Open Now

Now Closed

因為工作嘅原因成個星期都會喺灣仔同銅鑼灣中間岀沒，咁每日做嘢最緊要就係有餐飯食，行行下見有間食焗飯，五十幾蚊就有一大碟飯，睇落唔錯就決定咗係呢間。餐牌上有成二十款焗飯，岀奇地仲有素肉添，不過就對素肉呢樣嘢冇乜興趣，我覺得如果你係諗住食素咁點解要去食啲模仿肉嘅嘢，有種本末倒置嘅感覺。我因為好肚餓嘅關係最尾決定咗嗌個經典鮮茄大胃皇飯。個焗飯唔駛等好耐就有得食，望落雖然唔係特別吸引，但係聞落好香，而且都幾大份，肉有四種，分別係豬扒、雞肉、漢堡扒同脆皮腸，每一款都好大份，而且咬落去都好鬆軟同入味，茄醬嘅味亦都好濃郁，非常開胃。平心而論，係咪超好食？唔係，但係呢個價錢嚟講叫做非常抵，比起大家樂嘅焗飯好食幾倍。