Video
Read full review
2020-10-14
308 views
天氣終於涼返少少😍，好舒服，秋風氣爽就梗係要打邊爐啦！我同朋友見喺Openrice訂位「大笪地花膠雞」，有得以$99試半隻花膠雞湯底🐔，所以就去咗。星期六嘅晚上果然熱鬧👏，好彩訂咗位。環境唔錯，裝修行麻甩大笪地風，實則乾淨企理。餐廳用上大圓木枱、黃橙櫈、黑白地磚同街市燈罩，別具特色！另外，餐廳冷氣勁凍，都好嘅，打邊爐滾下滾下就熱。我哋叫咗一個鍋底同五款配料🥢，全部都高質。我同朋友表明心跡，其實我對雞同花膠興趣都不太大，因為要噒骨🙈。幸好我和盤托出，原來大家諗法一樣🤣，所以我哋叫咗另一款特色湯底：胡椒蘿蔔牛腩鍋($138)。特式湯底貴啲要一百蚊起，但另外亦有較平嘅選擇！湯底超正的，胡椒味濃郁，但未會搶喉，冬天飲的話一定勁保暖😌。可能無豬骨或者雞嘅關係，就算食到尾段，湯底亦無一層層嘅肥油，抵讚。胡椒湯無論淨飲定用嚟打邊爐索汁都無得輸，點解可以咁正㗎🤤？湯底勁足料，就如名稱所屬，有蘿蔔同牛腩。留意番份量係非常多，根據我哋嘅非正式統計，🐮牛腩條有成18條，勁誇張😳，仲要每條都大大條，個樣勁靚。牛腩位置可能係坑腩，唔會有太多肥筋，肉質亦唔韌。蘿蔔都好入味，不過唔可以滾太耐，因為會粉碎。爽脆牛胸爽
天氣終於涼返少少😍，好舒服，秋風氣爽就梗係要打邊爐啦！我同朋友見喺Openrice訂位「大笪地花膠雞」，有得以$99試半隻花膠雞湯底🐔，所以就去咗。
星期六嘅晚上果然熱鬧👏，好彩訂咗位。環境唔錯，裝修行麻甩大笪地風，實則乾淨企理。餐廳用上大圓木枱、黃橙櫈、黑白地磚同街市燈罩，別具特色！另外，餐廳冷氣勁凍，都好嘅，打邊爐滾下滾下就熱。
我哋叫咗一個鍋底同五款配料🥢，全部都高質。
我同朋友表明心跡，其實我對雞同花膠興趣都不太大，因為要噒骨🙈。幸好我和盤托出，原來大家諗法一樣🤣，所以我哋叫咗另一款特色湯底：胡椒蘿蔔牛腩鍋($138)。特式湯底貴啲要一百蚊起，但另外亦有較平嘅選擇！
胡椒蘿蔔牛腩鍋
$138
13 views
0 likes
0 comments
湯底勁足料，就如名稱所屬，有蘿蔔同牛腩。留意番份量係非常多，根據我哋嘅非正式統計，🐮牛腩條有成18條，勁誇張😳，仲要每條都大大條，個樣勁靚。牛腩位置可能係坑腩，唔會有太多肥筋，肉質亦唔韌。蘿蔔都好入味，不過唔可以滾太耐，因為會粉碎。
爽脆牛胸爽($128)，之前見人介紹話好食，我哋又試下，印象中無食過牛嘅呢個部位。賣相唔吸引🙊，白色部份佔咗塊肉嘅八成位置，無乜紅肉，就咁睇會以為係肥膏。
其實牛胸爽係胸腔肋骨附近嘅軟骨🦴，店員介紹只要淥十幾秒就食得，口感爽脆特別。
美國肥牛
$78
17 views
0 likes
0 comments
肥牛性價比高，🥩份量又多喎，有約十片，唔駛爭食！牛肉每片大大片，並非薄切，牛味同脂肪分佈都唔錯😋。
蟹籽墨魚滑
$78
19 views
0 likes
0 comments
豆苗
$40
10 views
0 likes
0 comments
手打烏冬($22)，本身驚唔夠飽所以嗌定，點知食肉都食到飽哂，哈哈。不過都仲食得落，🍜烏冬唔係平價貨，係超市見到都要賣十蚊以上一餅嗰啲。麵條扁身，口感煙韌Q彈。
樽裝汽水($10/枝)，火鍋店賣十蚊一枝樽裝汽水真係算良心價吧💕。原來Zero都有樽裝！
醬料費($12/位)，大小同價，一入座時店員會為客人送上醬料架，有乾蒜、蒜蓉、蔥花同辣椒🌶️畀你自行混醬。由於湯底有味，撈完我都無點過😆。
餐牌設計精美，圖文並茂，收費項目清晰👍。
餐廳除咗火鍋外，亦有多款餐前小食提供，例如麻辣皮蛋同椒鹽豆腐等。店員推介海鮮套餐🐟，但今日無乜意欲，加上價錢亦稍貴。
不過海鮮應該新鮮嘅✨，因為廚房門口有大大個魚缸養住生猛海鮮，唔怕你質疑！花甲貝類嗰啲唔算貴。
餐廳好細心，有提供靚靚信封套俾客人放口罩😷。
總括嚟講，雖然餐廳名物係花膠雞，但我食嘅胡椒蘿蔔牛腩鍋同樣出色，啱哂牛魔王😈，下次再嚟我毫無懸念地會再嗌呢款。打邊爐最重要嘅嘢佢都做得好好，就係湯底惹味同配料新鮮，收費亦合理。店員們服務都唔錯，友善、有禮貌，叫加湯時好快應機。🍲大笪地值得推介🌟！
Post
