Video
Read full review
2023-12-16
92 views
今次一行二人收工嚟到呢間位於荃灣8米半呢度食泰菜🙈 呢間餐廳裝修好有大自然田園風格，宣揚慢活嘅態度，坐喺度食嘢傾偈真係好舒服☺️🦀軟殼蟹冬陰功蟹肉西班牙飯($238)我哋一睇Menu就比呢道菜吸引咗😍 呢個係餐廳主打嘅signature菜，係泰式冬陰功配上西班牙炒飯😍 成個炒飯新鮮滾熱辣用鐵板呈上，雖然係二人份量但係我諗三四個人都食到🤭 每粒飯都沾滿蕃茄嘅香氣，食落酸酸地勁開胃！面頭落咗勁多海鮮，除咗大大隻嘅軟殼蟹仲有海蝦、青口、魷魚同蜆肉等等，好足料同食落口感都好豐富🤤🦐經典大蝦炒金邊粉($118)次次去食泰菜都會叫佢哋嘅金邊粉，因為真係經典中嘅經典🙈 呢度嘅金邊粉炒得好爽身，酸酸甜甜既調味啱啱好，食唔停口🤤🥘青咖喱雙茄素菜豆腐（$88）去食泰國菜都有好多素食嘅選😍 我哋就叫咗呢個健康之選，青咖喱配時菜，青咖喱味道非常香濃，豆腐質感有啲似扎肉但係好滑溜，配搭多種新鮮嘅蔬菜，好好味🤤🍞香草蒜蓉牛油多士磚($42)呢個多士係專登叫黎配青咖喱汁食🙈多士烤到好香脆，蒜蓉味夠晒鹹香，點咖喱汁食真係一流！🍋椰香泡泡芒果糯米飯($68)甜品方面，我哋叫咗呢個好特別嘅芒果糯米飯，賣相好精緻，芒果夠晒甜
今次一行二人收工嚟到呢間位於荃灣8米半呢度食泰菜🙈 呢間餐廳裝修好有大自然田園風格，宣揚慢活嘅態度，坐喺度食嘢傾偈真係好舒服☺️
🦀軟殼蟹冬陰功蟹肉西班牙飯($238)
我哋一睇Menu就比呢道菜吸引咗😍 呢個係餐廳主打嘅signature菜，係泰式冬陰功配上西班牙炒飯😍 成個炒飯新鮮滾熱辣用鐵板呈上，雖然係二人份量但係我諗三四個人都食到🤭 每粒飯都沾滿蕃茄嘅香氣，食落酸酸地勁開胃！面頭落咗勁多海鮮，除咗大大隻嘅軟殼蟹仲有海蝦、青口、魷魚同蜆肉等等，好足料同食落口感都好豐富🤤
🦐經典大蝦炒金邊粉($118)次次去食泰菜都會叫佢哋嘅金邊粉，因為真係經典中嘅經典🙈 呢度嘅金邊粉炒得好爽身，酸酸甜甜既調味啱啱好，食唔停口🤤
🥘青咖喱雙茄素菜豆腐（$88）
去食泰國菜都有好多素食嘅選😍 我哋就叫咗呢個健康之選，青咖喱配時菜，青咖喱味道非常香濃，豆腐質感有啲似扎肉但係好滑溜，配搭多種新鮮嘅蔬菜，好好味🤤
🍞香草蒜蓉牛油多士磚($42)
呢個多士係專登叫黎配青咖喱汁食🙈多士烤到好香脆，蒜蓉味夠晒鹹香，點咖喱汁食真係一流！
🍋椰香泡泡芒果糯米飯($68)
甜品方面，我哋叫咗呢個好特別嘅芒果糯米飯，賣相好精緻，芒果夠晒甜，配埋香甜軟糯既糯米飯食真係啱啱好👍🏻
飲品方面，我哋就叫咗🥥新鮮椰青($43)同☕️熱醇白鮮奶咖啡($36)，味道都唔錯，佢哋仲有好多特色嘅泰式飲品，希望下次嚟再試多啲🙈整體餐廳食物質素都幾好，環境好舒適，期待下次再嚟食嘢🥰Post
