Video
Read full review
2022-03-19
352 views
第一次嚟到大角咀，聽講呢度有間好出名排哂長龍嘅人氣小店，而且仲係我地好鍾意食嘅台灣野，一於去試吓，店名幾特別，不過唔識讀🙈 鋪頭唔大，座位與座位之間嘅通道有少少逼，店內環境同擺設頗有台灣嘅感覺主打嘅台式便當有約十款選擇，各附上五款配料，每個星期都會定期轉，咁就唔會咁容易厭！當日配菜有黃金炒野菜、爆蒜燒冬粉、麻辣炒薯絲、焦糖玉子同本日涼菜。個人最鍾意冬粉，整得夠入味又有咬口，麻辣炒薯絲都真係幾辣下，辣到流鼻涕，玉子燒就嫌太甜(中意食玉子嘅肌肉熊表示幾好食，仲拎埋我個舊👻)每個便當包一杯高山茶，亦可以加錢升級飲品。另外枱面仲有三種調味粉比客人任落，分別係海苔、鹽酥同香辣。整體份量都幾多，味道價錢都合理，食到好飽好滿足，略嫌便當入面嘅野食唔夠熱，似常溫_➤那個滷排骨便當🐷🍱$66呢個係招牌菜，塊排骨超大塊，目測差唔多一個手掌✋🏻咁大，舖滿成個碗，賣相好吸引，排骨厚身而且骨嘅部分唔多，得一條可以啖啖肉，炸粉薄薄一層。味道方面幾入味，帶少少甜又唔會太鹹。肉質鬆軟唔乾，好易咬開，不過本身就咁望以為係酥脆，但可能因為淋左滷汁，食落質感似淋咗嘅脆皮。另外一大舊原塊直接上冇完全切開，嵌住晒下面啲餸同飯，
主打嘅台式便當有約十款選擇，各附上五款配料，每個星期都會定期轉，咁就唔會咁容易厭！當日配菜有黃金炒野菜、爆蒜燒冬粉、麻辣炒薯絲、焦糖玉子同本日涼菜。個人最鍾意冬粉，整得夠入味又有咬口，麻辣炒薯絲都真係幾辣下，辣到流鼻涕，玉子燒就嫌太甜(中意食玉子嘅肌肉熊表示幾好食，仲拎埋我個舊👻)每個便當包一杯高山茶，亦可以加錢升級飲品。另外枱面仲有三種調味粉比客人任落，分別係海苔、鹽酥同香辣。整體份量都幾多，味道價錢都合理，食到好飽好滿足，略嫌便當入面嘅野食唔夠熱，似常溫
_
➤那個滷排骨便當🐷🍱$66
呢個係招牌菜，塊排骨超大塊，目測差唔多一個手掌✋🏻咁大，舖滿成個碗，賣相好吸引，排骨厚身而且骨嘅部分唔多，得一條可以啖啖肉，炸粉薄薄一層。味道方面幾入味，帶少少甜又唔會太鹹。肉質鬆軟唔乾，好易咬開，不過本身就咁望以為係酥脆，但可能因為淋左滷汁，食落質感似淋咗嘅脆皮。另外一大舊原塊直接上冇完全切開，嵌住晒下面啲餸同飯，食落有少少唔方便同狼狽。除咗之外，太多餸同配菜，對比之下白飯比例較少，食到最後得番餸，有啲膩，不過其實可以揀多飯(唔洗額外加錢)，好後悔冇嗌多飯☹️
那個滷排骨便當
$66
24 views
0 likes
0 comments
➤香酥脆雞便當(海苔口味)🐔🍱$64
有三種口味選擇，不過其實分別唔大，都係就咁係面頭落調味粉。三舊好大新鮮炸好嘅雞件，炸粉唔厚好香脆，有肉汁唔會乾爭爭，外脆內嫩，唔覺好油膩，有啲似鹽酥雞，紫菜粉嘅味道唔係好食得出，反而啲雞越食越鹹。同埋個飯冇咩汁加埋都係乾嘅炸雞，食落幾dry
香酥脆雞便當
$64
29 views
0 likes
0 comments
➤鹽酥甜不辣$18
賣相一般，煙煙韌韌咁，冇乜調味，得面頭灑左少少鹽酥粉，又唔夠熱，整體不過不失，冇乜特別，不過得兩塊，偏貴
鹽酥甜不辣
$18
15 views
0 likes
0 comments
➤那個早餐奶茶🧋(+$9)
食台灣野梗係要飲番杯台式廢水，偏甜，飲落似森永牛奶糖陣味，都幾好飲
➤花壇蜂蜜綠茶🧋(+$6)
味道唔錯，大大杯，蜂蜜味幾突出，幾解膩
那個早餐奶茶+$9 / 花壇蜂蜜綠茶+$6
24 views
0 likes
0 comments
_
🍽味道指數:★★★★☆
📷環境指數:★★★☆☆
🛎服務指數:★★★☆☆
💰抵食指數:★★★★☆
😋推薦指數:★★★★☆
📍那個ㄋㄚˋ ㄍㄜ
大角咀埃華街116-118號地下8A號舖
Post
