巴蜀麻辣米線 (Closed)

公司在大角咀附近，所以經常都會去中角咀附近食午餐，唔想成日都去南記同譚仔，今次搵左間大角嘴的米線小店，呢間應該無咩分店，朋友介紹我黎試的，餐廳唔算好大，大約20 個位左右，12 點半左右黎到都差唔多無位了，可以自選餸或者叫餐的米線，仲有可以加飲品，老闆好好禮貌，最後我地都叫左set,最初以為set的餸唔可以換，點知老闆俾我地換左一個餸，好好人，等左十分鐘個米線到左好大碗好足料。唔會好飲譚仔差孤寒得甘少餸，飲品都多選題，仲叫左外賣俾同事，一人都係50 幾左右又抵食又足料又飽肚。