Romanne Leisure Food Concept (Closed)

成日都去唔同區覓食，今次係近近地去返自己屋企附近嘅大角咀區食好野🤩。揀咗呢間「Romanne Leisure Food Concept」🌳田園小清新十足嘅cafe食晏。一入去餐廳，就己經俾佢裝修設計吸引住，俾人嘅環境感覺好放鬆好chill 。🥰餐湯/沙律🥄時日餐湯係甘荀湯，入口係甘荀獨特嘅清甜味味道，個湯稀杰程度啱啱好。🥗沙律菜新鮮，配埋酸酸地嘅沙律醬食，好開胃🥰🍔烤大啡茹自家製牛肉麥漢堡配香料薯條🍟鍾意食漢堡嘅朋友一定唔可以錯過，呢個漢堡牛肉鮮嫩，咬落去充滿肉汁🤤個麵包為少見嘅麥包，但食落有麥味香🥰好特別。配埋脆卜卜沾有香料嘅粗薯條，加分👍🎃煙雞肉烤南瓜忌廉汁燴粗管通粉雞肉切丁處理好嫩口，粗管通粉軟硬度適中，好掛汁，配埋滿滿南瓜味嘅忌廉汁，甜甜地好合😋🥤飲品凍檸茶，一時間醒唔起叫少甜少冰。好彩嚟到都唔會太甜，配埋burger飲解膩一流。