Video
Read full review
2022-02-01
701 views
台灣菜嘅文化除咗牛肉麵滷肉飯之所，仲有臭豆腐麻辣鴨血夜市牛扒等等，但其中早餐店吐司呢樣咁微不足道嘅食品卻從我喺旺角食過一次之後卻品嚐到呢個古早風味，想再去那間小店卻不幸地結業了，所以今次就去到呢間台式cafe，但今次呢個吐司係極厚切。 一浪位於大角咀一條幽靜嘅小街裏面，面對寬敞，以簡約嘅木+白系風格為主，店內牆上掛有多款家具，又有張tatami枱令你過著更加文青嘅風格，店舖亦都歡迎毛孩進入，可以坐喺呢個「大閘內嘅室外位置」，有種與世隔絕嘅休閒氣息。 食物選擇就一眼睇哂，當然就有台式早餐/芋泥吐司，咸甜味都有嘅croffle，寫咗喺餐牌“意大利麵”Corner入面嘅全日早餐，自家泡製咖啡。除咗幾樣食品以所，價錢大概徘徊喺100樓下。 一浪總匯三文治$78(芝士醬+$10) 實物比網上嘅更加大，仲要有三層，以我呢個BB口size只可以咬到其中一層，性價比屬於高嘅水準。但同以常一樣，大部份食材只停留喺表面，而D汁就流哂落個袋，但都無可反駁啦。 雞肉方面餐牌寫係雞腿，點知係雞胸，仲要白過豆腐，仲要屬於超瘦類型，心諗今次又要食柴皮雞胸，點知..我真係太年輕了。肉質鮮嫩爽彈，出乎意料，汁水從肌肉纖
一浪位於大角咀一條幽靜嘅小街裏面，面對寬敞，以簡約嘅木+白系風格為主，店內牆上掛有多款家具，又有張tatami枱令你過著更加文青嘅風格，店舖亦都歡迎毛孩進入，可以坐喺呢個「大閘內嘅室外位置」，有種與世隔絕嘅休閒氣息。
食物選擇就一眼睇哂，當然就有台式早餐/芋泥吐司，咸甜味都有嘅croffle，寫咗喺餐牌“意大利麵”Corner入面嘅全日早餐，自家泡製咖啡。除咗幾樣食品以所，價錢大概徘徊喺100樓下。
一浪總匯三文治$78(芝士醬+$10)
一浪總匯三文治
$78
31 views
1 likes
1 comments
實物比網上嘅更加大，仲要有三層，以我呢個BB口size只可以咬到其中一層，性價比屬於高嘅水準。但同以常一樣，大部份食材只停留喺表面，而D汁就流哂落個袋，但都無可反駁啦。
雞肉方面餐牌寫係雞腿，點知係雞胸，仲要白過豆腐，仲要屬於超瘦類型，心諗今次又要食柴皮雞胸，點知..我真係太年輕了。
肉質鮮嫩爽彈，出乎意料，汁水從肌肉纖維中援慢而出，慢煮得出神入化，而佢又唔係淡而無味，肉味係突出嘅，如果有D焦香/多D調味就更加好啦，但都令我對雞胸改觀
炒蛋望落薄薄一層，食落似係gordon Ramsay嗰隻炒蛋多於茶記炒蛋。口感綿密輕盈，加咗奶/忌廉，偏向淡身。
麵包下層有烘過，望落有D dry，但每片都簿而鬆軟，但空間太小，未能發展佢最軟熟嘅狀態。蕃茄嘅切法幾得意，又唔會整濕咗個包，椰菜絲得幼細，好似加咗糖，食落甜甜地。
蛋黃醬就少到食唔到。花生醬香口細膩，沙沙地嘅，油同醬有少少分離，但係正常嘅，調味明顯，我就幾鐘意。
另加嘅芝士醬全部喺哂包尾，香而厚滑，滿足感高，有少少拉絲感，個人認為可以再濃D，creamy D。
Post
