Video
Read full review
2020-11-02
495 views
一年先得幾個月食大閘蟹，梗係要把握機會，於是收工同同事即興搵左間大閘蟹放題。我地幾個都未食過大閘蟹放題，所以都係上網隨便搵，見佢唔太貴，就膽粗粗試下。由於太full嘅關係，我地book左八點鐘，但實在太肚餓，所以都早左去到，佢都好好人，有枱就即刻幫我地安排，等左陣就入座啦！上菜超快，一嚟到上左個杏汁燉花膠湯我地，花膠我就食唔到，不過都幾好味，之後就上咸蛋蝦球同鼓油皇乳鴿，個蝦球好好味，襯熱好食啲。乳鴿見佢唔係脆皮，都無乜期望，點知又幾好食喎！好快就上埋主角大閘蟹！唔係太大隻，似係外面4,50蚊隻個啲，但真係好多黃，食到停唔到所以都無影相😆重點係佢真係無拖鐘，未嗌佢加都主動加俾我地，我地每人食左6隻左右，已經好飽下，最後上埋糯米飯同薑茶，雖然已經好飽，但個糯米飯又幾好味，雖然好飽都食左半碗。全程都無俾人催走，中間keep住有人執枱同加蟹，蟹季完之前會嚟多次😋
我地幾個都未食過大閘蟹放題，所以都係上網隨便搵，見佢唔太貴，就膽粗粗試下。
由於太full嘅關係，我地book左八點鐘，但實在太肚餓，所以都早左去到，佢都好好人，有枱就即刻幫我地安排，等左陣就入座啦！
上菜超快，一嚟到上左個杏汁燉花膠湯我地，花膠我就食唔到，不過都幾好味，之後就上咸蛋蝦球同鼓油皇乳鴿，個蝦球好好味，襯熱好食啲。乳鴿見佢唔係脆皮，都無乜期望，點知又幾好食喎！
好快就上埋主角大閘蟹！唔係太大隻，似係外面4,50蚊隻個啲，但真係好多黃，食到停唔到所以都無影相😆
重點係佢真係無拖鐘，未嗌佢加都主動加俾我地，我地每人食左6隻左右，已經好飽下，最後上埋糯米飯同薑茶，雖然已經好飽，但個糯米飯又幾好味，雖然好飽都食左半碗。
全程都無俾人催走，中間keep住有人執枱同加蟹，蟹季完之前會嚟多次😋
Post