串カツ専門店

Open Now

Now Closed

前兩日喺度睇年頭去日本旅行嘅嘢食相，其中有一間就係食串揚Kushikatsu既。睇到我有啲想食，於是就搵左呢間串カツ専門店。🍻熱情果泡沫啤酒 | 蜜瓜泡沫啤酒🍻黎居酒屋梗係要嘆返杯啤酒嘅。呢度好特別有個Frozen Beer，上面係啤酒味既沙冰咁樣，下面係有水果味嘅啤酒。第一次試已經好鍾意，夏天飲特別爽👍🏻🐮博多牛腸鍋二人份(鹽湯底)呢度嘅牛腸鍋都好出名，一場嚟到都要試吓嘅。好肥美嘅牛腸，口感滑捊捊帶少少煙韌。除左牛腸之外，仲有大量芽菜、韭菜同埋明太子。好簡單鹽味湯底已可帶出個鮮味。小食方面我地都試左幾款。有好爽口既牛舌，仲有熱辣辣既炸芝士。咬開係滿滿嘅芝士，咸咸軟軟又香口，送啤酒超正🍻🧀千島醬一口炸芝士👅鹽燒牛舌🐮大阪傳統料理土手煮🐙奄列章魚燒配芝士✨鐵板海鮮明太子炸串方面我哋嗌咗七款。呢度嘅炸串唔厚粉，食落香口鬆脆。當中秋葵蝦食落冇乜秋葵滑潺潺嘅感覺，反而有彈牙既蝦膏。雞蛋豬肉卷係薄薄地一片豬肉包裹住流心雞蛋，雖然唔係好食到豬肉味，但食落有蛋香，呢個係炸蛋😂另外雞柳伴紫蘇我朋友都好鍾意，嗰醬酸酸地又帶紫蘇香。🍢雞柳伴紫蘇🍢五花肉🍢特選牛🍢日本年糕🍢紅薯🍢日本秋葵蝦🍢日本雞蛋豬肉卷✨