龍亭

Open Now

Now Closed

前排約朋友食晚飯，朋友揀咗龍亭，主打日式鐵板燒🥩點知意外發掘咗咁正嘅餐廳龍亭地處佐敦，喺正寧波街同白加士街交界，附近人流多非常熱鬧。龍亭雖然位處鬧市，但非常低調，門口除咗餐廳名，無好強烈風格嘅裝修，但就有種型格感覺😎一入到餐廳就感覺同外面環境形成一種好強烈嘅對比，大隱隱於市，外面街道車水馬龍，入面相對安靜，只係得十幾位食客嘅交談聲同廚師煎鐵板嘅滋滋聲，成個氛圍都好舒服我哋兩位就首先點咗入門廚師發板套餐，包一道沙律、兩份海鮮，肉類一份、炒飯同埋甜品，海鮮同肉類都可以自己選擇款式，六百蚊一位都唔駛，呢個價錢喺呢區嚟講真係好抵北海道煙三文魚沙律頭盤首先上咗道北海道煙三文魚沙律🥗微微煙燻過嘅三文魚，加上少少橄欖油同柚子醋，再配埋沙律，呢道作為前菜真係非常合適，會令人好開胃🤤澳洲牛柳粒澳洲牛柳粒比較嫩滑，無咩筋腱位，五成熟食落口入口即溶，配埋煎香過嘅蒜片食真係一種昇華，大大提升口感北海道元貝北海道元貝本身肉質厚實，加埋牛油煎過真係無敵，下次嚟都要再encore東星斑柳平時好少機會食到東星斑，就算去飲宴都越嚟越少，但呢個餐竟然有得選擇，咁就毫不猶豫咁點咗。比起蒸斑嘅淡，東星斑煎起上嚟好香口，仲有少