Video
Read full review
2017-07-05
1964 views
約左下午睇戲，梗係要先填飽個肚先可以enjoy套戲啦～雖然新世紀附近應該有好多好野食，不過因為懶得揾嘅關係，見到呢間午餐時段都有唔少人等位，深信應該唔會太伏嘅就等位試試對於越菜冇咩特別嘅研究，成日食黎食去都係生牛肉湯河、撈檬之類嘅野，都真係唔知揀咩好。見到有個出面未見過嘅手切上等牛柳河，仲要寫住係限定供應咁巴閉，我地決定試下，睇下到底有幾上等賣相平平，就係普通嘅一碗河粉，唔知食落去會唔會有咩唔同呢～果然！！！！係唔會嘅先飲一啖湯先。好在佢個湯唔會好咸。因為食麵唔用埋D湯一齊送就差緊D野咁，而呢個湯口味都適中，而且飲完都冇覺得好口渴，所以應該都冇太多嘅味精。唔錯唔錯！佢嘅牛柳都算唔錯嘅。佢同平時食開嘅生牛肉唔同，唔係一片片薄片個種口感，個人比較鐘意呢種口感。而牛肉都算稔身，應該都算係唔太差嘅牛肉，但係就差左欠缺左D牛肉味。算唔算上等就唔知啦，不過個人就覺得佢都唔算好特別。另外叫多個扎肉雞絲糯米飯。上枱後都幾比個賣相所吸引，紅紅嘅臘腸片超吸引眼球個糯米飯都幾特別。佢唔係普通嘅糯米飯，而係有D綠豆撈埋一齊，令到個飯有少少甜甜地，都幾得意，就好似......綠豆粽咁而加左臘腸，又有D似臘味糯米
對於越菜冇咩特別嘅研究，成日食黎食去都係生牛肉湯河、撈檬之類嘅野，都真係唔知揀咩好。
見到有個出面未見過嘅手切上等牛柳河，仲要寫住係限定供應咁巴閉，我地決定試下，睇下到底有幾上等
賣相平平，就係普通嘅一碗河粉，唔知食落去會唔會有咩唔同呢～果然！！！！係唔會嘅
先飲一啖湯先。好在佢個湯唔會好咸。因為食麵唔用埋D湯一齊送就差緊D野咁，而呢個湯口味都適中，而且飲完都冇覺得好口渴，所以應該都冇太多嘅味精。唔錯唔錯！
佢嘅牛柳都算唔錯嘅。佢同平時食開嘅生牛肉唔同，唔係一片片薄片個種口感，個人比較鐘意呢種口感。而牛肉都算稔身，應該都算係唔太差嘅牛肉，但係就差左欠缺左D牛肉味。算唔算上等就唔知啦，不過個人就覺得佢都唔算好特別。
另外叫多個扎肉雞絲糯米飯。
上枱後都幾比個賣相所吸引，紅紅嘅臘腸片超吸引眼球
個糯米飯都幾特別。佢唔係普通嘅糯米飯，而係有D綠豆撈埋一齊，令到個飯有少少甜甜地，都幾得意，就好似......綠豆粽咁而加左臘腸，又有D似臘味糯米飯咁。完全係crossover 組合
不過個糯米飯略嫌乾身，同埋食到後期開始會有少少膩口嘅感覺。後來朋友試下挑戰擠D本身放左係枱上嘅青檳落去個飯度，即刻解決左呢2個問題，口感清新左好多。如果早D加就好啦～
呢度嘅野食嘅size唔算太細，2個人叫2樣野都夠飽。不過味道上就冇咩特別驚喜，畢竟呢個就係大集團餐廳嘅普遍特色－唔難食但都唔會特別好食。
Post
