越棧越式湯粉專門店 (福德樓) (Closed)

每日中午放飯都周圍食下試下，呢間越棧十年前係其他分店食有好多款式，有焗飯有鐵板餐，而家轉晒專做湯粉麵後都係第1次食。今次試下個特別牛湯河，配料有越式扎肉，牛腩同牛肚絲，黎到先試下個湯，都係好基本加左味精既牛肉湯，河粉還算ok，但比較容易夾斷，牛腩唔算腍，其他配料都好普通，64蚊黎講會有好多更好既選擇，整體味道叫還好啦。環境相對黎講叫坐得舒服既，中午時段都唔會好爆場，可能價錢貴在個環境啦，始終係一般粉麵店食會比較迫。