夢の丼 (Closed)

今日發現原來土瓜灣有間唔錯嘅日本餐廳，餐廳嘅裝修以木系為主，日式嘅外牆，簡約嘅設計充滿日本風格。打開餐牌，餐牌上有林林總總嘅食物如刺身、壽司、卷物、酒肴、天婦羅、燒物及甜品，而主打就係唔同嘅丼飯。今次嗌咗蟹皇醬燒蟹膏豆腐、深海池魚刺身、法國生蠔、慢煮鮑魚配肝醬、左口魚邊壽司、夢之丼同花錦魚生丼。落單後，店員就會送上麵豉湯同沙律，麵豉湯好足料，沙律菜好新鮮。蟹皇醬燒蟹膏豆腐豆腐入口細滑，蟹膏味道濃郁，好似食緊大啖蟹膏咁，口感好rich，齒頰留香，有驚喜嘅菜式！推介！深海池魚刺身、法國生蠔厚切深海池魚刺身，肉質肥美口感爽脆。法國生蠔略嫌唔夠肥，但蠔味香濃，口感唔係好creamy。慢煮鮑魚配肝醬鮑魚切片，薄薄嘅一槐，連埋肝醬嚟食味道更濃。右口魚邊壽司魚肉炙燒過，魚香味濃郁，油脂豐腴，食落細膩，令人回味。夢之丼店員建議先飲一啖橙醋，再食丼飯，呢嗰配搭可以令魚生嘅鮮味突出。丼飯賣相吸引，大大隻牡丹蝦、帆立貝配搭三文魚蓉、三文魚子、吞拿魚蓉、松葉蟹、右口魚邊，用料豐富，加埋一齊嚟食真係好味！花錦魚生丼升級版嘅角切魚生丼，十幾款刺身配料，當中有三文魚、白身魚、赤蝦、右口魚邊、金蟹子、三文魚子、櫻花蝦