餃掂手工餃子雲吞專門店 (Closed)

這間位於太子界限街的餃掂經常大排長龍，尤其是午飯及晚餐時間，門口超級多人排隊，今日就跟同事一起去食個提早的晚餐，再返公司OT。好彩我們早點到達依然有位，大既七時就已經全場滿座，外面開始派飛仔。店內有個天下第一餃的招牌，唔知係真唔係呢。先叫了個湯餃試試，韮菜拼雲耳椰菜湯餃，兩者中韮菜味濃郁，雲耳椰菜則比較爽口，豬肉餡十足，餃子有豐富肉汁，皮薄餡多，十分飽肚。湯底是以粉葛等人材料煲成，清甜無味精。另外再叫了個鮮肉雲吞麵，雲吞細細粒共有十粒，話明鮮肉緊係無蝦啦，有別於平時食開的廣東雲吞，這個鮮肉雲吞細細粒一啖一隻，有肉汁之餘又夠飽肚，雲吞麵有點似上海麵，不過比較腍，湯底是普通豉油底，清清淡淡。同事喜歡食皮蛋，所以叫了個黃金皮蛋，皮蛋鬆化，入口即溶，味道不錯。整體味道不錯，其中餃子更是鎮店之寶，隻隻都包到一模一樣，都唔知廚房每隻不同味道的餃子點樣分到。