黑木亭居酒屋 (清風街) (Closed)

今晚放工約了朋友去天后這間居酒屋食晚餐，餐廳主打串燒及和牛，當然不少得多款清酒、梅酒等飲品，附近的白領放工落去飲返杯。先點了兩杯飲品，柚子酒味道清新，酒味未算太濃；芒果烏龍熊茶很可愛，女士打卡之選，烏龍茶及芒果味平均，亦都不會太甜。蟹將軍薯仔沙律有超多脆卜卜的蟹子，薯仔青瓜爽口又飽肚。之後點了幾款串燒。羊架燒至七成熟，因為近脂肪位，所以羊騷味會比較突出，羊肉亦較有咬口。豬頸肉比較爽口，豬味濃郁。白鱔燒至外皮焦脆，鱔肉有彈性且鮮。菠蘿帶點微酸，亦帶點焦香。雞肉釀冬菇裏面有些軟骨，所以有咬口，冬菇很juicy。豆腐燒至皮脆，裏面嫩滑。和牛三文治有海膽及黑松露，A4和牛燒至三成熟，所以中間還是粉紅色，看到和牛的白色脂肪，和牛有咬口，脂肪感都重，三文治烘至香脆，海膽鮮甜。食飽離開的時候都是7:30，已經全場爆滿，門口還有些應該無訂位的客人等位中。