天吉屋 (Closed)

久不久都會想去天吉屋食天婦羅，因為係真日本店，而且環境舒適，性價比高，所以回頭率高。牛蒡茶清醇健康，可以飲多幾杯。每枱都有牛蒡漬，蘿蔔漬，食下天婦羅，再食下漬物，可以解膩。仲有椰菜沙律配柚子胡椒沙律汁，都係無料提供，好吃!天幕御膳($168)有黑虎蝦，石斑魚配紫蘇葉，軟殼蟹，什錦炸洋蔥，南瓜，四季豆，茄子，炸紫菜，天婦羅新鮮炸，脆身不油膩，配上日本直送北海道七星米，粒粒飽滿，充滿飯香。跟住可以試下整茶泡飯，加鰹魚湯，芥末和紫菜入飯，味道適中，唔會太濃味。麵豉湯都好足料，非常豐盛的set。All Star 丼($128)天婦羅同天幕御膳差唔多，多左温泉蛋和魷魚，温泉蛋汁撈埋飯食，加埋天丼醬汁，口感十分豐富。