餃子縣餃子專門店 (Closed)

是晚天寒地凍，出開旺角去左間從未試過既餃子縣食餃子，其實完全係想試佢地既芝士餃子！本身想食暖粒粒既湯餃，後黎全點左煎餃子！店子採劃紙形式落單，但係將落單紙會令人好混亂，如果想揀湯餃加煎餃都唔知點劃好，都見唔少人問問店員們先識劃（包括我地），原來落單用唔同符號黎代表晒一款餃子煎定湯，真係你唔講我都唔識填。醉雞翼 $25同行者都話雞翼都酒味都頗重，呢款小食算不錯了。5隻皇牌芝味四重奏-三重芝士 及黑松露 各$37 （煎+$4）兩款芝士煎餃我都幾鍾意食，熱辣辣既煎餃獸落爆料，三重芝士個隻食落都幾重芝士味；黑松露個隻既松露味岩岩好，唔會覺得松露味太重手而有膩既感覺，整體都算香口惹味。椰菜木耳豬肉餃 （5隻）及香菇粟米豬肉餃 （5隻）各$33 （煎+$4）另外叫左兩款菜餃，味道比前兩款較清淡健康，味道都可以。凍檸茶 $12 及凍奶茶 $13樽裝凍奶茶味道唔會過甜，茶味略重少少，不過茶底有少少澀。