Video
Read full review
2015-12-17
3166 views
阿媽今晚睇大戲，唔煮飯，我宅女惟有出街食。上網睇下屋企附近有咩好野食，留意到呢間「火星料理」似乎唔錯，天寒地凍，就去嘆個韓式火鍋。餐廳位於一幢工廈既五樓，一出lift門，已經聞到好香既味道，食慾指數大增。行入餐廳，有室外同室內座位，今晚翻風，我無勇氣坐室外，都係坐入面穩陣。第一次黎，問下事頭婆有乜介紹，佢話呢度比較多人叫火鍋，食得辣既可以叫部隊火鍋 (可以叫小辣)，完全唔食辣既可以叫人蔘雞鍋。其實我向來唔食得辣，但同時又係一位會叫辣既勇者，再加上天氣凍凍地，於是叫左個小辣「辣泡菜年糕部隊鍋」($230)，另外再加「韓式紫菜包飯」($35)同「芝士海鮮煎餅」($120)。前菜同飲品先黎。響四碟前菜入面，我特別鐘意右邊既薯仔同黑豆，甜甜地，粉粉地，係我喜歡既口感。至於飲品，我揀左米水($12)，曾經響首爾既汗蒸幕飲過呢種特色飲品，雖然今次只係罐裝，但一樣喚醒我去旅行時既快樂。米水係甜甜地既，底下有飯粒，幾好飲，同時可以解辣。飯卷黎勒，都幾足料，有雞蛋、醃蘿蔔、紅蘿蔔、青瓜、香腸、牛蒡等等，咬落去好爽口，注意番，韓式飯卷係無加醋既，唔同日式壽司，但我都幾鍾意呢種淡淡既味道，感覺比較清新自然，
餐廳位於一幢工廈既五樓，一出lift門，已經聞到好香既味道，食慾指數大增。行入餐廳，有室外同室內座位，今晚翻風，我無勇氣坐室外，都係坐入面穩陣。第一次黎，問下事頭婆有乜介紹，佢話呢度比較多人叫火鍋，食得辣既可以叫部隊火鍋 (可以叫小辣)，完全唔食辣既可以叫人蔘雞鍋。其實我向來唔食得辣，但同時又係一位會叫辣既勇者，再加上天氣凍凍地，於是叫左個小辣「辣泡菜年糕部隊鍋」($230)，另外再加「韓式紫菜包飯」($35)同「芝士海鮮煎餅」($120)。
前菜同飲品先黎。響四碟前菜入面，我特別鐘意右邊既薯仔同黑豆，甜甜地，粉粉地，係我喜歡既口感。至於飲品，我揀左米水($12)，曾經響首爾既汗蒸幕飲過呢種特色飲品，雖然今次只係罐裝，但一樣喚醒我去旅行時既快樂。米水係甜甜地既，底下有飯粒，幾好飲，同時可以解辣。
飯卷黎勒，都幾足料，有雞蛋、醃蘿蔔、紅蘿蔔、青瓜、香腸、牛蒡等等，咬落去好爽口，注意番，韓式飯卷係無加醋既，唔同日式壽司，但我都幾鍾意呢種淡淡既味道，感覺比較清新自然，同埋我幾欣賞呢舊飯卷既雞蛋係煎過既，有些微焦香，唔錯。
部隊火鍋上枱時，心入面即刻講左句：金翅大鑊了，因為原來分量都幾大，好驚食唔晒，除左個鍋之外，仲有得揀公仔麵、粉絲定飯 (我地本來揀公仔麵，但後來都係覺得食唔晒，原碟俾番餐廳，以免浪費)。我諗大家都知道部隊火鍋既來源，係因為戰後物質貧乏，韓國人於是用美軍留低既罐頭製成火鍋，有肉有菜咁，好受歡迎。而火星料理既部隊火鍋，食物就豐富得多啦，材料除左一般既午餐肉、泡菜、蔬菜、香腸(注意，係雞尾腸)之外，仲加左龍蝦丸、韓式年糕、脆肉瓜、雞脾菇等等，而且每樣既分量都好多，實在好豐富呀！
最後黎埋個芝士煎餅，分量一樣好大，而且勁足料，咬落去啖啖都係海鮮，蝦同八爪魚都好新鮮，八爪魚完全唔靭。個餅煎到微焦，勁香口；底部係煎脆左既芝士，正呀！Post
